Toshkent axborot texnologiyalari

Qo’shqiymatli tasvirlarda ortiqchalikni yo’qotish. Qo’shqiymatli tasvirlarda ortiqchalikni yo’qotishga qo’shqiymatli tasvirlarni kodlashtirishning xususiy holi deb qarash mumkin. Bu jarayon qisman bo’sag’alash yoki 1 bit aniqlikda kvantlash (ko’pqiymatli tasvir elementi 6 yoki 8 bit aniqlikda bo’lgan) ro’y beradi. Fazoviy diskretlash ham bu jarayonga o’z hissasini qo’shadi, ya’ni sonli qo’shqiymatli tasvir hosil qilishning har bir bosqichi tasvirda axborot ortiqchaligini kamaytirishning biror ko’rinishini ta’minlaydi va ma’lum chegarada yo’qotishi bo’lgan qayta tiklash imkonini beradi.

Ko’pqiymatli tasvir xusisidagi barcha muhokamalar qo’shqiymatli tasvir uchun ham o’rinli. SHu bilan birga qo’shqiymatli tasvirlarning o’ziga xosligi yuqorida aytilgan usullarni ma’lum ma’noda o’zgartirishni va hatto ko’pqiymatli tasvirlarga qo’llash mumkin bo’lmagan maxsus kodlar ishlab chiqishni taqozo etadi.Qo’shqiymatli tasvirlarni saqlash uchun ko’proq ketma-ketliklar uzunligini kodlash, guruhlab (blochno’y) va vektor ko’rinishda kodlash usullari qo’llaniladi.