Toshkent arxitektura va qurilish instituti qurilishda smeta ishi fanidan mustaqil ish

shahar va posyolka chizig‘i - aholi punkti yerlarining ularni yer fondining
boshqa toifalaridan ajratib turadigan, shaharsozlik hujjatlarida belgilab
qo‘yilgan tashqi chegarasi;
shaharsozlik - aholi punktlarini, aholi punktlariaro hududlarni
rejalashtirish hamda qurishning ijtimoiy-iqtisodiy, qurilish-texnika,
arxitektura-badiiy va sanitariya-gigiena va boshqa soxalarga oid
yechimlarining yig‘indisini ta’minlovchi nazariyasi va amaliyoti;
shaharsozlik reglamenti - shaharsozlik faoliyatini amalga oshirishda aholi
punktlari va aholi punktlariaro hududlarning yer uchastkalari va o‘zga ko‘chmas
mulk ob’ektlaridan foydalanishning aholi punktlari va hududlarni qurish
project.gov.uz 13.12.2020
4
qoidalari bilan belgilangan ko‘rsatkichlari va turlari yig‘indisi;
shaharsozlik faoliyati - fuqarolar manfaatlari, jamiyat va davlat
manfaatlari, shuningdek hududlar hamda aholi punktlarining milliy,
tarixiy-madaniy, ekologik, tabiiy xususiyatlari inobatga olingan holda
davlat organlari va yuridik shaxslar tomonidan hududlarni, aholi
punktlarini rivojlantirishni shaharsozlik jihatidan rejalashtirish, yer
uchastkalaridan foydalanish turlarini belgilash hamda yuridik va jismoniy
shaxslar tomonidan binolar, inshootlar hamda boshqa ob’ektlarni
loyihalashtirish, qurish va rekonstruksiyasini amalga oshirish, binokorlik
materiallari va buyumlarini ishlab chiqarish faoliyati;
shaharsozlik hujjatlari - hududlarni, aholi punktlarini
rivojlantirishni shaharsozlik jihatidan rejalashtirish to‘g‘risidagi hamda
ularni qurish haqidagi, belgilangan tartibda tasdiqlangan hujjatlar;
O‘zbekiston Respublikasi hududida aholini joylashtirish bosh tarhi
(sxemasi) - aholini joylashtirish tizimlarini rivojlantirish, tabiatdan
foydalanish, hududlarni, umumdavlat ahamiyatiga molik muhandislik,
transportga oid va ijtimoiy infratuzilmalarni ijtimoiy-iqtisodiy
rivojlantirishning asosiy maqsadlari va yo‘llarini belgilaydigan
shaharsozlik hujjatlari;
qizil chiziq - aholi punktlar tarkibidagi mavjud, o‘zgartirilayotgan va yangi
belgilanayotgan umumiy foydalanishdagi hududlarni hamda muhandislik va
transport kommunikatsiyalarining himoya zonalarini belgilab beradigan
dahalar, mavzelar va rejalashtirish tuzilmasi boshqa qismlarining
hududlarini aholi punktlarining ko‘chalari, tor ko‘chalari va maydonlaridan
ajratib turuvchi, shaharsozlik hujjatlarida belgilab qo‘yiladigan chegaralar;