project.gov.uz 13.12.2020 17 2) tumanlar va shaharlar davlat hokimiyati organlarining shaharsozlik
faoliyati bo‘yicha qabul qilgan qarorlari;
3) mazkur Kodeksning 26- va 28-moddasida ko‘zda tutilgan hujjatlar va
ma’lumotlar.
Ushbu moddaning birinchi qismida ko‘rsatilgan talablar doirasiga
kirmaydigan boshqa axborot norasmiy hisoblanib, axborot egasining
roziligi bilan yoki sud tartibida taqdim etiladi.
Davlat sirini tashkil etuvchi axborot davlat siri to‘g‘risidagi qonun
hujjatlarida belgilangan tartibda taqdim etiladi.
104-modda. Shaharsozlikka oid rasmiy axborotning vakolatli organlar
tomonidan taqdim etilishi
Shaharsozlikka oid rasmiy axborot quyidagilar tomonidan taqdim etiladi:
1) tumanlar va shaharlarning davlat hokimiyati organlari – ushbu Kodeks
bilan ularning vakolatlariga kiritilgan masalalar bo‘yicha;
2) tuman (shahar) qurilish bo‘limlari – shaharsozlik qonun hujjatlari,
shaharsozlik faoliyatidagi normativ hujjatlar, shaharsozlik qoidalari,
shaharsozlik hujjatlari va kelishishi ularning vakolatlariga kiritilgan
boshqa hujjatlar;
3) davlat ekologik ekspertizasi organi – uning vakolatiga kiritilgan
shaharsozlik ekspertizasi masalalari bo‘yicha;
4) shaharsozlik faoliyatini litsenziyalash organi – shaharsozlik faoliyatini
amalga oshirish uchun litsenziya olgan loyiha va qurilish tashkilotlari haqida
ma’lumotlar bo‘yicha.
105-modda. Jamoatchilik muhokamasini tashkil etish
Tuman (shahar) davlat hokimiyati organlarining shaharsozlik faoliyati
masalalari bo‘yicha qarorlari jamoatchilik muhokamalari o‘tkazilgandan
keyin qabul qilinadi.
Ishlab chiqilayotgan shaharsozlik hujjatlarini tasdiqlashga berishdan avval
ularga nisbatan jamoatchilik manfaatini aniqlab, uni hujjat bilan
rasmiylashtirish jamoatchilik muhokamasining maqsadi hisoblanadi.
project.gov.uz 13.12.2020 18 Ishlab chiqilayotgan shaharsozlik hujjatlarining jamoatchilik muhokamasi
shaharsozlik hujjatlari buyurtmachisi tomonidan – o‘z kuchi bilan yoki
ixtisoslashtirilgan tashkilotlarini jalb etgan holda – moliyalashtiriladi
va ta’minlanadi.
Loyihaviy yechimlarning parametrlari, shu jumladan ko‘chmas mulk
ob’ektlarining o‘zgarishiga oid parametrlar jamoatchilik muhokamasi va
tasdiqlangan shaharsozlik hujjati bilan oldindan belgilangan holatlarda
rasmiy jamoatchilik muhokamalari o‘tkazilmaydi.
Jamoatchilik muhokamasining majburiy tartibi quyidagilardan iborat:
4) jamoatchilik nazorati sub’ektlari shaharsozlikka oid rasmiy axborot va
muhokama qilinayotgan loyiha bo‘yicha boshqa materiallar, shuningdek rasmiy
jamoatchilik muhokamasi o‘tkazilishining muddatlari va tartibi bilan
jamoatchilik muhokamasi boshlanishidan 10 kun avval tanishtiriladi.
Jamoatchilik muhokamasi sub’ektlarini muhokama uchun belgilangan
materiallar bilan tanishtirish shakli tayyorlangan shaharsozlik yechimlari
oqibatlarining taxminiy miqyoslari vahujjat turiga qarab qabul qilinadi.
Tanishtirish quyidagicha amalga oshirilishi mumkin:
a) axborotni Internet tarmog‘iga joylashtirish;
b) davlat muassasalari, jamoatchilik joylarida, taxmin qilinayotgan
qurilish maydonchasi hududida banner (plakat)lar va tashqi reklamaning
boshqa vositalarini joylashtirish;
v) aniq adresatlarga xatlar jo‘natish;
g) ommaviy axborot vositalarida e’lonlar berish;
d) ekspozitsiya tashkil etish;
ye) diqqatni jalb qilish va masala mazmunini tanishtirish uchun mo‘ljallangan
va amaldagi qonun hujjatlarida taqiqlanmagan boshqa shakllardan
foydalanish;
5) jamoatchilik muhokamasini jamoatchilik eshituvlarini tashkil qilish,
namoyish etilgan yoki matbuotda e’lon qilingan materiallar yuzasidan
fikrlarni yig‘ish, to‘liq yoki tanlov asosida so‘rov o‘tkazish orqali va qonun
hujjatlarida taqiqlanmagan boshqa shakllarda o‘tkazish. Jamoatchilik
muhokamasini o‘tkazish muddati loyihani tasdiqlash to‘g‘risidagi qarorni
qabul qiluvchi organ bilan kelishilgan holda loyiha buyurtmachisi tomonidan
belgilanadi, lekin bu muddat o‘n besh kundan kam bo‘lmasligi kerak;
