Toshkent arxitektura qurilish

4.4 - jadval
Tajriba asosida aniqlangan drenajning depressiya radius qiymati

Zamin turkumi	Qiymati (m)
Mayda zarrali qumda	50 – 100
O‗rta zarrali qumda	100 – 200
Yirik zarrali qumda	300 – 400
Mayda zarrali shag‗al	400 – 600
O‗rta zarrali shag‗al	500 – 1500
Yirik zarrali shag‗al	1500 – 3000

Yotiq holdagi bosh drenaj loyihasini tuzishda quyidagi amallarni aniq bajarish talab qilinadi:

1. 
   drenajning turi va uning joylashish shaklini aniqlash;
   
2. 
   ta‘sir radiusiga bog‗liq holda drenaj yo‗lagini belgilash;
   
3. 
   umumiy holda maydon va yo‗laklar uchun suv sarfini aniqlash;
   
4. 
   drenaj diametrlari va uning bo‗ylama qiyaligini drenaj atrofidagi to‗ldiruvchi material va uning oqim tezligiga qarab aniqlash.
   

Aylanma (konturli) drenaj – yakka tartibda bunyod etilayotgan binoning zaminidagi sizot suvlar sathini pasaytirishga mo‗ljallanadi (4.14-rasm). U imoratdan 5-8 m uzoqlikda joylashtiriladi.

Aylanma drenaj hisobi bir tarmoqli bir tarafdan sizot suv qabul qiluvchi bosh drenaj hisobiga o‗xshash bo‗ladi. Bunda 1 m drenajda sizot suv sarfi Dyupi formulasi bo‗yicha aniqlanadi (4.15-rasm).