Toshkent Arxitektura Qurilish Instituti Qurilishni boshqarish fakulteti Shahar Qurilishi va Xo’jaligi kafedrasi “Qurilish sohasidagi me’yoriy xujjatlar tizimi.” fanidan

Режа:

УМУМИЙ ҚОИДАЛАР

ХУДУДНИ ВА ҚИШЛОҚ ХЎЖАЛИК ИШЛАБ ЧИҚАРИШИНИ ТАШКИЛ ҚИЛИШ

ИШЛАБ ЧИҚАРИШ ОБЪЕКТЛАРИНИНГ ИЧКИ ХЎЖАЛИК ТАРМОҒИНИ ШАКЛЛАНТИРИШ

ХЎЖАЛИК ИЧИДАГИ ЖОЙЛАШТИРИШНИНГ ШАКЛЛАНТИРИЛИШИ

АҲОЛИНИНГ ЛОЙИҲАВИЙ СОНИНИНГ ҲИСОБ-КИТОБИ

УЙ-ЖОЙ ҚУРИЛИШИНИ РИВОЖЛАНТИРИШ

ХИЗМАТ КЎРСАТИШ МУАССАСАЛАРИ ВА КОРХОНАЛАРИ ТАРМОҒИНИ ТАШКИЛ ҚИЛИШ

ХЎЖАЛИК ИЧИДАГИ ТРАНСПОРТ АЛОҚАЛАРИ

МУҲАНДИСЛИК УСКУНАЛАРИ

ҲУДУДНИНГ МУҲАНДИСЛИК ТАЙЁРГАРЛИГИ

АТРОФ МУҲИТ МУҲОФАЗАСИ

Ушбу нормалар ва қоидалар (кейинги ўринларда ШНҚ деб юритилади) ишлаб чиқариш фаолияти ва мулкчиликнинг турли шаклларидаги янги қишлоқ хўжалик корхоналарининг лойиҳалаштирилиши ва мавжудларининг реконструкция қилинишига тегишлидир;

1. УМУМИЙ ҚОИДАЛАР:

• Ушбу нормалар ва қоидалар (кейинги ўринларда ШНҚ деб юритилади) ишлаб чиқариш фаолияти ва мулкчиликнинг турли шаклларидаги янги қишлоқ хўжалик корхоналарининг лойиҳалаштирилиши ва мавжудларининг реконструкция қилинишига тегишлидир;
• ҳудудларнинг меъморий режалаштирилиши ва ташкил қилинишига нисбатан асосий талабларни ўз ичига олади ва қайси идорага бўйсунишидан қатъий назар барча лойиҳа ташкилотлари учун мажбурий ҳисобланади.
• Қишлоқ фуқаролари йиғинлари (кейинги ўринларда ҚФЙ деб юритилади) ва қишлоқ хўжалиги корхоналари ҳудудларини меъморий режалаштириш ва ташкил қилиш бўйича лойиҳа ҳужжатларини (кейинги ўринларда ҲМРТ лойиҳаси деб юритилади) ишлаб чиқишда ҳукумат қарорлари, ҳудудларни ижтимоий-иқтисодий ривожлантиришга доир истиқболли прогнозлар инобатга олиниши зарур.
• Ушбу ШНҚ амал қилувчи шаҳарсозлик нормалари ва қоидалари тизимининг таркибий қисми ҳисобланади ва мазкур тизимнинг шаҳарсозлик ва архитектура, қурилиш, экология ҳамда ер тузиш соҳасидаги бошқа меъёрий ҳужжатларга амал қилинишини тақозо этади.
• ҚФЙ нинг ҳудуди – бу очиқ ва ёпиқ турдаги қишлоқ хўжалиги ишлаб чиқариши, саноат, ташқи ва ички инфратузилма объектлари, аҳолининг яшайдиган, меҳнат қиладиган ва дам оладиган жойларининг табиий муҳитда иқтисодий ва экологик жиҳатдан мақсадга мувофиқ равишда, ягона меъморий режалаштириш ғояси асосида ҳал қилинган шаҳарсозлик фаолиятининг қўшиб олиб борилишидир.
• ҚФЙ лар ва қишлоқ хўжалиги корхоналарининг ҳудудлари очиқ шаҳарсозлик тизими ва шаҳарсозлик фаолиятининг объектлари сифатида кўрилиши зарур.
• ҚФЙ лар ёки қишлоқ хўжалиги корхоналари ҲМРТ лойиҳасининг асосий шаҳарсозлик вазифаларини, барча аҳоли пунктларининг режавий тузилмасини ҳал этади ва лойиҳа элементларини ишчи лойиҳалаштириш учун асос бўлиб хизмат қилади