Тошкент архитектура – Қурилиш институти муталова барно иргашевна таълимда инновацион технологиялар

 
Сувоқ ишларини бажариш технологияси
. 
Сувоқни таъмирлашга оид ишларни бажаришга киришишдан олдин сувалган 
юзаларнинг умумий ҳолати текшириб чиқилиши ҳамда сувоқнинг муддатдан олин 
эскирганлик сабаблари (шифтлардан чакка ўтиши, девор ва пардеворларнинг 
намланиши, шўрхаклар, юк кўтарувчи конструкцияларнинг бузилиши ёки чўкиши 
ва ҳ.к.) бартараф этилиши лозим. Бу жойлардаги эски сувоқ кўчириб ташланиб 
янгисига алмаштирилади. Эски сувоқнинг асосдан кўчиш чегаралари деворни 
тақиллатиб кўриш йўли билан аниқланади. 
Агар эски сувоқ асос билан талаб даражасида боғланган бўлиб, унда фақат 
майда дефектларгина кузатилса (ифлосланган жойлар, чўкишдан ҳосил бўлган 
майда дарзлар), бу ҳолда у устидан оҳак қоришмаси (намлиги нормал хоналарда) 
ёки цемент-оҳак қоришмаси (намлиги баланд бўлган хоналарда) билан ишқаб 
чиқилади. 

---

120 
Эски сувоқ алмаштирилиши керак бўлган жойларда унинг қалинлиги 
шифтларда 25 мм дан ошиқ, деворларда эса 30 мм дан ошиқ бўлса, шунингдек 
пардеворларнинг шифтлар ва деворлар билан бириккан ерларида қоришма металл 
тўр бўйлаб суртилиши керак. 
Янги қоришма суртиладиган ерларда асос юзаси ва сувоқ чеккалари чангдан ва 
эски қотиб қолган қоришмадан тозаланади ҳамда озгина намланади. Янги қопловчи 
қоришма қатлами қумнинг майда-йириклигига кўра эски сувоқники билан бир хил 
бўлиши ҳамда мана шу эски сувоқнинг асос томонга оғиб текисланган 
чеккаларининг орасига кириши керак: бунда янги қоришма эскисининг устига 
суртиб текисланмайди, чунки кейинчалик бу жойлардаги қоришма қатлами тез 
қуриб, уваланиб тушади, эски ва янги сувоқ орасидаги чок аниқ кўриниб қолади.
Сувоқ ишларининг ҳажми унча катта бўлмаган хоналарда сувоқ ишлари майда 
участкаларга бўлиниб, рационал асбоблар ва мосламалардан фойдаланган ҳолда 
қўлда бажарилади. 
Сувоқ ишларининг ҳажми 50 м
2
дан ортиқ бўлса, юзалар механизациялашган 
усулда сувалади (6.1-расм).