Тошкент ахборот технологиялари университети “телевидение асослари”

1.2. Телевизион сигнал ташкил этувчиларининг рақамли кўриниши.

Халқаро тавсия талабларига кўра ёруғлик сигналини дискретлаш частотаси 13,5 МГц бўлса, иккита нурни ёйиш стандарти учун: кадр 25Гц, 625 сатр ва кадр 30 Гц, 525 сатр қилиб белгиланган. Ҳар бир рангфарқ сигнал дискретлаш частотасидан (13,5 МГц) икки баробар кичик ва унга каррали (бўлинадиган) частотада 6,75 МГц да дискретланади. Худди шундай телевизион сигнални қаторга ёйиш 625/50 ва 525/60 стандартлари Асосий таянч частота сифатида 3,375 МГц қабул қилиниши кўп жиҳатдан, шу икки стандартнинг сатр нурини ёйиш частота қийматлари, таянч частотага карралиги билан боғлиқ. Бу ўз навбатида телевизион сигналнинг ташкил этувчиларини кодлашда ягона дунё кодлаш стандартини киритишга имкон берди ва фаол қисмда ёруғлик сигналининг 720 саноғи ва рангфарқ сигналларининг 360 саноғи бўлишини таъминлади. 625/50 ва 525/60 стандартлар орасидаги фарқ сатрлар сонининг хилма хиллиги ва “ўчириш” интервали вақтининг мос эмаслигидир.

8 ва 10 бит билан кодланган рақамли телевизион (тасвир) сигнал ташкил этувчиларининг тўла узатиш тезлиги:
8х13,5+8х6,75+8х6,75=216 Мбит/с
10х13,5+10х6,75+10х6,75=270 Мбит/с бўлади.
1.7-расмда ёруғлик (Y) ва рангфарқ сигналлари (Cr ва Cb) саноқларининг ўзаро жойлашиши келтирилган ва телевизион сигналларни бундай дискретизациялаш формати 4:2:2 деб белгиланади.

1.7- расм. ²4:2:2 форматда ёруғлик (Y) ва рангфарқ (Cr ва Cb) сигналларининг ўзаро жойлашиши
Формат 4:4:4 Барча уччала компонентлар(қизил, яшил ва кўк ташкил этувчилар) R, G, B ёки ёруғлик (Y), рангфарқ(C_r, C_b) лар учун 13,5МГц частота фойдаланилади (2.9-расм).

1.8-расм. 4:4:4 форматда тасвир сигнали ташкил этувчиларини кодлаш


Формат 4:4:4:4да эса тўртта сигнални кодлаш ифодаланади (1.9-расм) ва улардан 3 таси тасвир сигнали компонентлари (R, G, B ёки Y, C_r, C_b), бўлса, тўртинчиси (альфа – канал) сигнални қайта ишлаш бўйича ахборотни ўз ичига олади.

1.9-расм. 4:4:4:4 форматда тасвир сигнали ташкил этувчиларини кодлаш