Тошкент ахборот технологиялари университети оптик алоқа тизимлари

ИКМ-120 УЗАТИШ ТИЗИМИ

ИКМ-120 узатиш тизими маҳаллий ва зона ичкариси алоқа тармоқларида ЗКПАП-1х4, МКСА-1х4, МКСАП-4х4, МКСБ-7х4, МКСВ-4х4 юқори частотали симметрик кабелларни зичлаш натижасида каналларни ташкил этишда ишлатилади. Тизим 120 та ТЧ каналини ташкил этади ёки 312 ... 552 кГ спектрли стандарт 60 каналли гуруҳли узатишни ваИКМ-120 узатиш тизими маҳаллий ва зона ичкариси алоқа тармоқларида ЗКПАП-1х4, МКСА-1х4, МКСАП-4х4, МКСБ-7х4, МКСВ-4х4 юқори частотали симметрик кабелларни зичлаш натижасида каналларни ташкил этишда ишлатилади. Тизим 120 та ТЧ каналини ташкил этади ёки 312 ... 552 кГ спектрли стандарт 60 каналли гуруҳли узатишни ва битта 30 каналли бирламчи рақамли оқимини таъминлайди (бунда каналларнинг умумий сони 90 та боиади). Гуруҳ оқимининг узатиш тезлиги 8448 кбит/с, қайта қабул қилувчи участкасининг умумий узунлиги 600 км гача, хизмат налаб қилинадиган пунктлар орасидаги масофа—200 км гача, регенерацион участканинг узунлиги 5±0,5 км. Линия тракти икки кабелли тўрт симлик алоқа схемаси асосида ташкил этилади. Икки кабелли схема узатишнинг тўғри ва тескари йўналишларида керакли ҳимояни таъминлайди. Бироқ, маълумки, алоқани икки кабелли схемада ташкил этиш техника-иқтисодий кўрсаткичи бўйича бир кабелли схемага нисбатан қимматроқ. Ҳозирги вақтда бир кабелли схемани ташкил этиш учун симметрик кабеллар ишлаб чиқарилган, унда кабелнинг ҳар бир жуфтлиги ёки гуруҳ жуфтлиги экран билан ҳимояланган.

Частота диапазонлари катта фарқланганликлари учун ИКМ-120 аппаратурасининг линия тракти К-60П аппаратурасининг линия тракти билан битта кабелнинг ҳар хил жуфтликларида ишлаши мумкин. Бироқ бирга ишлаш имкониятига дистанцион таъминот ташкил қилишда ҳар хил чегараланиш усуллари таъсир қилади. Масалан, К-60П ва ИКМ-120 узатиш тизимларининг битта тўртламчи кабелида ишлашда қийинчилик туғдиради.
ИКМ-120 аппаратурасининг таркибига қуйидагилар киради (12.4-расм): стандарт бирламчи рақам оқимларини шакллантирувчи аналог-рақам қурилмаси — АРҚ, иккиламчи давр гуруҳлаш қурилмаси - ИДГ, линия тракти охирги қурилмаси ЛТОҚ, хизмат талаб қилинмайдиган регенерацион пунктлар - ХТқРП. 8448 кбит/с тезликдаги гуруҳ оқими 2048 кбит/с тезликдаги тўртта бирламчи оқимлардан ҳосил бўлади.

16.4-расм. ИКМ-120 узатиш тизимида алоқани ташкил қилиш схемаси

Агар 120 ТЧ каналли асосий вариант ишлатилса, унда бу бирламчи оқимлар АРҚ қурилмасида ташкил этилиши мумкин. Шаҳарлараро телефон станциясининг линия аппарат цехи ЛАЦ да ўрнатиш учун аналог рақам канал ҳосил қилувчи устун- КАРУ-1 ихтиро этилган. Унинг вазифаси тўртта унификацияланган канал ташкил қилувчи аппарат комплекти УАК-30 иккиламчи электр таъминоти билан бирга ва сервис қурилмаси комплектини жойлаштиришдир. Устуннинг ҳажми 2600х120х225 мм. УАК-30 комплектининг вазифаси 30 та телефон каналини ва ўтказиш қобилияти 64 кбит/с иккита рақамли каналга абонентлик рухсатини ташкил қилишдир. Рақамли ахборот синхрон киритилади. Бу рақамли каналлар канал оралиқлари КИ6 ва Кл22 жойлашган жойда ташкил этилади. Вақт бўйича циклининг таркибий тузилиши 2048 кбит/с ли стандарт бирламчи рақамли оқимига ўхшаш. 60 каналли стандарт узатиш гуруҳини ташкил қилишда ва битта бирламчи рақамли оқимининг стандарт гуруҳини қайта ишлаш учун 60-ЧД-АРҚ махсус қурилма ишлатилади.