Тошкент ахборот технологиялари университети қарши филиали “тасдиқлайман”

Фаннинг мақсад ва вазифалари
Фанни ўқитишдан мақсад – талабаларда киберхавфсизлик асослари ахборот-коммуникация тизимларида ахборотларни ҳимоялаш технологияларининг ўрни ва ахборот хавфсизлигига бўладиган таҳдидлар, ҳужумлар даражасини аниқлаш, ахборотни хавфсизлигини ташкил этувчилари ва уларнинг аҳамияти ҳақида мос билим, кўникма ва малакани шакллантиришдир.
Фаннинг вазифаси – талабаларга киберхавфсизлик асослари тушунчаси, уни қўлланиш соҳаси ҳамда киберхавфсизликнинг зараркунанда дастурлардан ҳимояланиш, ахборот хавфсизлиги сиёсати ва уни бошқариш, ахборотга бўладиган рискларни бошқариш иборатдир.
Курсдан кутиладиган натижалар
Ушбу курсни тўлиқ тамомлаган талабалар қуйидаги қобилиятга эга бўлиши керак:

• 
  ахборот хавфсизлигининг асосий тушунчаларини таърифлаб бериши;
  
• 
  махфийлик, бутунлилик ва фойдаланувчанлик тушунчаларини тушинганлигини намоён эта олиши;
  
• 
  ахборот хавфсизлигига бўладиган асосий таҳдид турларини ҳамда уларга қарши кураш усулларни тушигтириб бериши;
  
• 
  криптографиянинг асосини, рухсатларни бошқаришни, тармоқ ва компютер хавфсизлигини тушинишини намоён эта олиши;
  
• 
  ахборот хавфсизлигини таъминлашнинг ҳуқуқий, ташкилий ва техник даражадаги аспектларини муҳокама қила олиши;
  
• 
  ахборот хавфсизлиги принципларини келтириб беришга ҳамда тушинтириб беришга;
  
• 
  оддий “галстук - бабочка” таҳлили ва рад этиш дарахти таҳлилини бажариши.
  

Фаннинг ўқув режадаги бошқа фанлар билан ўзаро боғлиқлиги
ва услубий жиҳатдан узвийлиги
Ахборот хавфсизлиги, Маълумотлар базаси хавфсизлиги, Ахборот хавфсизлиги протоколлари. Криптогарафия усуллари, Веб иловалар хавфсизлиги, компютер тармоқлари, маълумотлар коммуникацияси каби фанлардан билим ва кўникмаларга эга бўлишлик талаб этилади.
Фаннинг ишлаб чиқаришдаги ўрни
“Киберхавфсизлик асослари ” фани ишлаб чиқариш жараёни билан бевосита боғлиқ ҳисобланади. Киберхавфсизлик билан боғлиқ масалаларни ечишда ахборот-коммуникация тизимларида ахборотларни ҳимоялаш технологияларининг ўрни ва истиқболли йўналишларини белгилаб беради.
Киберхавфсизлик тизимларидаги мавжуд заифликлар ва уларга бўладиган таҳдидлардан ҳимоялаш учун масаланинг мақбул ечими топилади. Киберхавфсизлик ахборотларнинг махфийлиги, ахборотни бутунлиги ва фойдаланувчанлигининг бузилиш усуллари таҳлил қилиниб унга мос ечимлар ишлаб чиқилади.