Toshkent 2021 yil Annotatsiya

Aksonometrik tasvir - aksonometriya qoidalariga muvofiq yasalgan tasvir. Aksonometrik o‘q – koordinata (proyeksiyalar) o‘qlarining aksonometrik tekislikdagi proyeksiyalari.

Aksonometriya – [grekcha axon — o‘q va metreo — o‘lchayman] —

predmetni u joylashgan to‘g‘ri burchakli fazoviy koordinata o‘qlari bilan birga bu sistemadan tashqarida olingan tekislikka (aksonometriya tekisligiga) parallel proyeksiyalash yo‘li bilan tasvirlash usuli. Bunda tasvir yaqqol ko‘rinishga ega bo‘ladi. Proyeksiyalash yo‘nalishining aksonometriya tekisligiga nisbatan og‘ish burchagiga qarab, aksonometriya ikki turga bo‘linadi: to‘g‘ri burchakli aksonometriya va qiyshiq burchakli aksonometriya.

Arximed spirali — Nuqta biror markaz atrofida tekis aylanma harakat qiluvchi to‘g‘ri chiziq bo‘yicha bir vaqtda tekis ilgarilanma harakat qilsa, bu nuqta shaklan o‘ramaga o‘xshash tekis, ochiq ravon egri chiziqqa aytiladi.

Asimptota – [grekcha asymptotos — to‘g‘ri kelmaslik] konxoida, nikomeda, giperbola kabi egri chiziqlarning cheksiz o‘zoqlikdagi nuqtasiga urinma to‘g‘ri chiziq. Giperbolaning ikkita asimptotasi bor. Ular giperbola markazida kesishadi va markazdan uzoqlashgan sari asimptotalarining nuqtalari giperbola nuqtalariga yaqinlashib boradi, ya`ni asimptota bilan giperbola o‘rtasidagi oraliq markazdan uzoqlashgan sari cheksiz kichiklashib boradi.

Balandlik—uchburchaklik yoki to‘rtburchaklikda ularning uchlaridan qarshidagi tomonga (asosga) tushirilgan perependikulyar chiziq konus yoki piramidada — ularning uchidan asosiga tushirilgai perpendikulyar chiziq; to‘g‘ri doiraviy silindrda — uning asoslari orasidagi masofa. Balandlik odatda h harfi bilan belgilanadi.