Toshkent 2021 yil Annotatsiya

5.10-§. Ish chizmalari (O`zDSt 2.109:2003)

Sanoatda ishlab chiqariladigan barcha buyumlarning ish chizmalari Konstruktorlik hujjatlarning yagona tizimida qayd qilingan asosiy talablarga amal qilgan holda bajarilishi lozim.

Ishlab chiqarishda har bir detal uchun alohida ish chizmasi bajariladi. Detalning ish chizmasida tasvirlar soni (ko`rinishlar, qirqim, kesim, chiqarish elementlari) iloji boricha kam bo`lishi, lekin ular detalning shakli, o`lchamlari va boshqa parametrlari to`g`risida to`la tasavvur berishi lozim.

Detalning ish chizmasida uni yig`ishdan yoki qo`shimcha ishlov berishdan avval o`lchamlari, chekli chetga chiqishlar, yuzalarning g`adir-budirligi va boshqa ma`lumotlar bajariladi.

Chizmalarda texnikaviy ma`lumotlar va parametrlar ularni hisoblamasdan foydalanish mumkin bo`ladigan qilib berilishi kerak.

Chizmalarda standartlar tomonidan qabul qilingan shartli belgilar ishlatiladi, lekin ularga izoh berilmaydi. Shartli belgilar chizmada bir necha takrorlanganda ular bir xil o`lchamda bajariladi.

Mukammal bo`lmagan, o`lchamlar tushib qolgan, chala bajarilgan ish chizmasi orqali detal yasab bo`lmaydi, unday ish chizma yaroqsiz hisoblanadi.

Detal ish chizmasi – detalning tasviri, uni tayyorlash va nazorat qilish uchun kerak bo`lgan ma`lumotlarni o`z ichiga olgan hujjat (5.10.1 -chizma).

5.10.1- chizma