Toshkent 2021 yil Annotatsiya

Termin [lotincha terminus — chek chegara] — fan, texnika, san`at va boshqa sohalarda ma`lum bir tushunchani aniq ifodalovchi so‘z.

Tetraedr [grekcha tetra — to‘rt, hedra — asos, sirt, tomon] — hamma tomonlari uchburchaklik bo‘lgan to‘rtyoqlik. Tetraedr uchburchakli piramidadir. Yoqlari o‘zaro teng tetraedr muntazam tetraedr deyiladi.

Texnikaviy rasm — aksonometrik proyeksiya biror turidan foydalanib o‛lchamlarga va masshtabga rioya qilmasdan chamalab chizilgan yaqqol tasvir. Buyumning texnikaviy rasmini to‘g‘riburchakli izometriya, to‘g‘ri burchakli dimetriya va qiyshiq burchakli frontal dimetriya ko‘rinishida chizish mumkin.

Tutashtirish — ikki chiziqni uchinchi chiziq (yoy) yordamida (masalan, ikki aylanani uchinchi aylana yoyi yoki to‘g‘ri chiziq yordamida, ikkita to‘g‘ri chiziqni aylana yoyi yordamida) bir-biriga sindirmasdan, bukmasdan silliq ulash.

Tutash chiziq — uzuq bo‘lmagan uzluksiz chiziq. Chizmachilikda tutash chiziqlarning uch xili qo‛llaniladi: tutash yo‛g‛on to‘g‘ri chiziq, tutash ingichka to‛g‛ri chiziq, tutash egri chiziq. Buyumlarning ko‘rinadigan konturlari tutash yo‛g‛on chiziq bilan chiziladi. Yasash chiziqlari, shtrix chiziqlar va shunga o‛xshashlar ingichka tutash chiziq bilan chiziladi. Qirqimlarni ko‘rinishdan ajratuvchi chegara chizig‛i ingichka egri chiziq bilan chiziladi.

Uzunlik — kesmaning chetki nuqtalari orasidagi masofa. Uzunlik masshtab birligida o‘lchanadi va musbat son bilan ifodalanadi. Odatda uzunlik mm,sm,m va km birliklarida o‘lchanadi.