Тошкент 2021 акушерлик сепсиси

Жарроҳлик даво
1А
Сепсис ва септик шок ташхиси қўйилгандан кейин инфекциянинг ўчоғини имкон 
қадар тезроқ санациялаш керак. 
Сепсис ва септик шокни даволашда асосий масалани имкон қадар тезроқ (дастлабки 6-12 
соат ичида мақбулроқ) ҳал қилиш керак: бачадон билан боғлиқ бўлган-бўлмаганлигидан 
қатъи назар инфекциянинг ўчоғини ўз вақтида ва етарли даражада санациялаш зарур.
Шу билан бирга, бачадонни олиб ташлаш масаласини унутмаслик керак, чунки иккиламчи 
инфекцияланиш эҳтимоли юқори туради ва объектив қийинчиликлар мавжуд: на бимануал 
текширувда, на бачадон УТТда зарур маълумотларни кўпинча олиб бўлмайди. Айнан шу 
вазиятда имкон қадар эртароқ юқумли жараённинг тизимли кўринишларини баҳолаш ва 
полиорган етишмовчилигининг белгиларини аниқлаш жуда муҳимдир.
40% ҳолатларда инфекциянинг ўчоғи аниқ бўлмаслиги, яъни, уни фақат тахмин қилиш 
мумкинлигини унутмаслик керак. Бачадонни олиб ташлаш ёки бошқа оператив аралашувни 
ўтказиш тўғрисидаги масалани ҳал қилишда эндометритнинг «классик» белгилари 
кузатилмаслиги ҳисобга олиниши лозим. Полиорган етишмовчилигининг симптомлари 
ривожланиб бориши билан тизимли кўринишлар кўпинча устун келади. Ушбу омилни 
етарли даражада ҳисобга олмаслик, беморнинг яшаб қолишини белгилайдиган асосий 
даволаш тадбири бўлган – инфекциянинг ўчоғини санациялашни кечиктириш сабаби бўлиб 
хизмат қилади.
Инфекциянинг ўчоғи – бачадонни олиб ташлаш тўғрисидаги масаласини қачон ҳал 
қилиш зарур:
● бачадондан ташқари полиорган етишмовчилигининг белгилари (АҚБ пасайиши, 
олигоурия, ЎРДС, сариқлик, энцефалопатия, ТТИҚИ-синдроми, тромбоцитопения) 
пайдо бўлиши ва ривожланиб боришига сабаб бўладиган инфекциянинг бошқа 
ўчоқлари аниқланмаганда; 
● хориоамнионит ташхиси қўйилганда;
● биомаркерларнинг даражаси ортиши кузатилганда (прокальцитониннинг даражаси 
бошқа критик ҳолатларда ҳам ортиши мумкин, бу эса унинг диагностик қийматини 
камайтирмайди);
● ҳар қандай локализацияли юқумли жараён фонида ҳомиланинг антенатал ўлими 
содир бўлганда;