Тошкент-2021 3 Январь 2021 2-қисм Тошкент январь 2021 йил. Тошкент: «Tadqiqot»

Хулоса сифатида айтиш мумкинки, халқ маданияти, анъаналари тарихини хар 
томонлама ўрганиш ва аслича тушуниш учун унинг барча қисмларини, жумладан, нафақат 
ёзма манбалар балки, оғзаки ривоятлар, афсоналар, эсталиклар ва маросимларни ҳам 
тушуниб етиш муҳим ҳисобланади. Чунки ёзма манбалар қанчалик муҳим ва қимматли 
бўлмасин улар инсон ҳаётининг барча томонларини ўзида тўлиқ акс эттира олмайди. Ушбу 
ўринда айниқса, асрлар давомида яшаб келаётган ва ҳозирги кунда ҳам жамият ҳаётида 
ҳамда ҳар бир кишининг шахсий ҳаётида муҳим рол ўйнаб келувчи муқаддас жойлар 
билан боғлиқ култлар, турли халқ эътиқодлари ва оғзаки анъаналари асосий ўрин тутади. 
Шунингдек, мозорлар ҳамда зиёрат билан боғлиқ халқ тасаввури ва амалиётларини комлекс 
тарзда ўрганиш ўз навбатида ёзма манбаларни изоҳлаш, диний қарашлар, даволаш усуллари, 
ижтимоий ташкилотлар, авлодлар ва жинсларнинг ўзаро алоқалари, этнослараро алоқалар ва 
шу кабилар бўйича янги материалларни олиш имконини беради. Қолаверса, зиёратгоҳларни 
тадқиқ этиш халқнинг ижтимоий тарихи ва унинг ривожланиш динамикасини ўрганишда 
жуда қўл келувчи шаҳар ва қишлоқларнинг тарихий топографиясини аниқлашда, шунингдек, 
этномаданият фани ривожида ҳам муҳим аҳамият касб этади.
Зиёратгоҳлардаги азиз-авлиёлар ҳаётидан ибрат олиш инсонларни ёмон йўллардан 
узоқроқ юришга, инсофли-диёнатли бўлишга, ўзидан фақат яхшилик қолдириш сингари 
ҳайрли ишларга ундаб келган. Улар бугунги кунда ҳам ёш авлодни тарбия – одоб-ахлоқ, 
ўзаро дўстона муносабатлар, қариндош, ота-она ва фарзандлар ўртасидаги меҳр-оқибат, 
ҳалоллик, адолат сингари инсоний қадриятларни улуғлашга ўргатиб келмоқда. 

---

MILLATLARARO TOTUVLIK, DINIY BAG’RIKENGLIK MUNOSABATLARI VA 
YOSHLAR TARBIYASI
Nigmanova U.B. - TDPU dotsenti
Annotatsiya. Maqolada hozirgi globallashuv sharoitida yoshlarni har xil destruktiv g‘oyalar 
ta’siridan himoyalash, milliy totuvlikni tarbiyalash borasida amalga oshirilishi zarur bo‘lgan 
vazifalar xususida so‘z yuritiladi.