|
Annotatsiya:
Bugungi kunda dunyoning eng rivojlangan mamlakatlarining ta’lim tizimlarida
virtual ta’lim texnologiyalaridan keng foydalanilmoqda. Ta’lim jarayonida bunday dasturlardan
foydalanish yuqori natijalarga olib kelmoqda, chunki o‘quvchi bir vaqtni oʻzida eshitadi, koʻradi,
bajaradi.
Kalit so‘zlar:
Informatika, virtual ta’lim, Articulate Storyline, Microsoft Office, Adobe
Captivate, CourseLab, iSpring, Lectora, PowerPoint.
Hozirda kompyuter bilimlariga ega boʻlish zamon talabiga aylandi, bunga sabab kompyuter
savodxonligiga ega boʻlgan kadrlarga boʻlgan talab kundan-kunga ortib borayotganligidir.
Respublikamizda ta’lim tizimining har bir bosqichida fanlarni oʻqitishda ularning uzliksizligini
ta’minlash alohida ahamiyat kasb etadi. Bu borada Informatika fanining uzluksizligi Malaka
talablari va oʻquv dasturlarini yaratishda e’tiborga olingan. Hozirgi kunda respublikamizda
Informatika fanini oʻqitish umumiy oʻrta ta’lim, oʻrta maxsus va oliy ta’lim bosqichlarini oʻz ichiga
oladi. Quyidagi dasturlar yordamida Informatika fanini o‘qitishda virtual ta’lim texnologiyalarini
yaratishimiz va undan foydalanishimiz mumkin bo‘ladi:
Articulate Storyline kurslar yaratish uchun moʻljallangan eng mashhur dasturlaridan biri, u
moslashuvchan, foydalanishda qulay va turli maqsadli kurslar yaratish uchun ishlab chiqilgan.
Articulate Storyline - uch utilitli (Presenter, Quizmaker, Engage) paket, oʻrgatuvchi kurslarni,
taqdimotlar, testlar va kontentning boshqa shakllarini iPadda koʻrish va masofali ta’lim tizimlariga
integrallanishi mumkin boʻlgan Flash va HTML5 formatlarda yaratish imkoniyatini beradi. Dastur
murakkab interfaol senariylarni amalga oshirish uchun deyarli cheksiz imkoniyatlarni taklif etadi.
Endi oʻquv kursni murakkab interfaol senariysini yaratish uchun dastur tuzishni yoki Flashni
qoʻllashni bilish shart emas – Storyline buning uchun barcha vositalarni taklif etadi. Ushbu
dasturning xususiyati oson oʻzlashtirilishida, shuningdek, yaratilayotgan loyihlarning yorqin
vizual uslubida: Articulate mahsulotlarida ishlangan roliklar boshqa e-learning muharrirlardan
koʻra yanada zamonaviyroq va dinamikroq koʻrinadi. Dastur Microsoft Office 2007ga oʻxshash
interfeysga ega, ishlab chiquvchilar foydalanuvchilar oʻrganishlari oson boʻlishi maqsadida
tashqi koʻrinishini PowerPointga maksimal oʻxshashligini ta’minlashgan. Yuqorida buyruqlar
toʻplamidan iborat klassik Ribbon-panel joylashgan.
Adobe Captivate (avvalgi RoboDemo sifatida tanilgan)– Microsoft Windows va dasturiy
ta’minotni namoyish etish, video darslarni yozish, dastur simulyatsiyasini yaratish, oʻquv
taqdimotlarni yaratish va .swf formatda turli testlarni yaratish uchun qoʻllanilishi mumkin boʻlgan
MacOSXning 5 versiyalari uchun elektron ta’limda qoʻllaniladigan elektron kurslarni yaratish
va tahrirlash dasturi. Adobe Captivatedagi generatsiyalangan .swf faylni .avi faylga videoxosting
saytlarga konvertatsiya qilish imkoniyati bor. Captivateda yaratilgan skrinkastlar ekrandan
qilingan yozuvlarga nisabatan ancha kam joy egallaydi. Foydalanuvchilar Captivate dasturida
taqdimotlarga effektlar, faol nuqtalar, matnli sohalar, video va hokazolarni qoʻshib tahrirlashlari
mumkin. Captivate keng doiradagi imkoniyatlarni taklif etadi: Microsoft PowerPointda yaratilgan
taqdimotlar asosida oʻquv materiallarni yaratish, monitordagi suratni olish, savolga berilgan
javobga bogʻliq ravishda oʻtish imkoniyatli testlar yaratish mumkin.
CourseLab dasturi – bu Internet tizimida, masofaviy ta’lim tizimlarida, kompakt disk yoki
boshqa har qanday saqlash qurilmalarida ishlatish uchun moʻljallangan interaktiv ta’lim materiallari
(elektron darsliklar) tayyorlash uchun moʻljallangan kuchli va ishlatish oson boʻlgan dasturiy
vositadir. CourseLabning asosiy imkoniyatlari:
• WYSIWYG tizimida koʻrish va natijalarni olish mumkin boʻlgan ta’lim materiallarini yaratish
va tahrir qilish.
• Tuzuvchidan HTML yoki boshqa dasturlash tillarini bilishni talab qilmaydi.
• Ob’yektiv yondashish har qanday qiyinlikdagi ta’lim materiallarini yaratish imkonini beradi.
• Senariylardan foydalanish murakkab koʻp «Ob’yekt»li bogʻliqliklarni yaratishni osonlashtiradi.
73
Do'stlaringiz bilan baham: |
