Toshkent – 2021 O'zbekiston respublikasi

2-bob. Bank kartalaridan foydalanishning huquqiy tartibga solinishi va to‘lov tizimi ishtirokchilarining majburiyatlari
3. Banklar tomonidan bank kartasini emissiya qilish, xizmat ko‘rsatish va undan foydalanish bilan bog‘liq munosabatlarni huquqiy tartibga solish mazkur Nizom va qonunchilik hujjatlari, shuningdek to‘lov tizimi qoidalari hamda to‘lov tizimi ishtirokchilari o‘rtasida tuzilgan shartnomalarga asosan amalga oshiriladi.
4. To‘lov tizimi ishtirokchilarining o‘zaro munosabatlari mazkur Nizom, boshqa qonunchilik hujjatlari hamda ularga asosan tuzilgan shartnomalar va to‘lov tizimi qoidalariga muvofiq tartibga solinadi.
O‘zbekiston Respublikasi rezident banklari mahalliy, xalqaro va xorijiy to‘lov tizimlari ishtirokchilari bo‘lish huquqiga ega.
O‘zbekiston Respublikasining rezident banklar — to‘lov tizimi ishtirokchilari, agar O‘zbekiston Respublikasining qonunchilik hujjatlarida boshqacha qoidalar belgilanmagan bo‘lsa, bank kartalari emissiyasi, ularga xizmat ko‘rsatish va operatsiyalarni amalga oshirishda tegishli to‘lov tizimi tomonidan belgilangan standartlardan foydalanadi.
5. To‘lov tizimi ishtirokchilari quyidagilarga amal qilishlari shart:
O‘zbekiston Respublikasi hududida bank kartasini emissiya qilish, xizmat ko‘rsatish, ular orqali hisob-kitob operatsiyalarini amalga oshirishning o‘rnatilgan tartib va qoidalariga rioya qilish;
bank kartalaridan noqonuniy foydalanishning oldini olish maqsadida xavfsizlik chora- tadbirlarini ta’minlash;
ular ixtiyorida mavjud bo‘lgan va muomaladagi bank kartalari, to‘lov tizimi ishtirokchilari, foydalaniladigan texnologiya va dasturiy-texnik vositalar, to‘lov tizimi operatori tomonidan o‘rnatilgan ish tartibi va qoidalari to‘g‘risidagi tijorat va bank siri hisoblangan ma’lumotlarni hamda bank kartasi saqlovchilari hamda ular tomonidan bank kartalari orqali amalga oshirilgan operatsiyalar to‘g‘risidagi ma’lumotlarni oshkor qilmaslikni ta’minlash, qonunchilik hujjatlarida nazarda tutilgan hollar bundan mustasno.