Тошбоев Ш. О. 17 Болалар анестезиологияси

7.3. Умумий анестезиянинг асосий босқичлари 
Умумий анестезиянинг асосий босқичлари бўлиб кириш наркози 
(индукция), анестезияни қувватлаб туриш ва наркоздан чиқиш (уйғониш) 
хисобланади.
Кириш наркози (индукция). 
Кириш наркози анестекик киритилиши 
(ингаляцион, вена ичи ѐки бошқа турдаги анестезия) билан бирга 
бошланади. Наркознинг ушбу босқичида бемор хушидан кетади, химоя 
рефлекслари йўқолади. Индукция якунланиши билан, бола медикаментоз 
уйқудалик 
пайтида, 
анестезиолог 
беморнинг 
нафас 
йўллари 
ўтказувчанлигини (хаво ўтказгич, ларингеал ниқоб, эндотрахеал найча) 
таъминлайди. Сўнгра зарур бўлса регионар анестезия қўлланилади, кейин 
эса бемор бола операция ўтказиш учун қулай холатга келтирилади. Шу 
билан кириш наркози якунланади, жаррохга операцияни бошлаш учун 
рухсат берилади ва кейинги босқич – анестезияни қўллаб-қувватлаб туриш 
босқичига ўтилади. 
Болаларда кириш наркози кўпинча ингаляцион (галотан, энфлюран, 
севофлюран ва б.) ѐки анестетикларни вена ичига (пропофол, 
барбитуратлар) юбориш билан амалга оширилади, бу эса кескин 
қўзғалишсиз уйқуга кетишни таъминлайди. Индукция – анестезиянинг энг 
хавфли босқичидир. Бу вақтда нафас йўллари ўтказувчанлигининг 
бузилиши билан боғлиқ бўлган (тилнинг орқага кетиб қолиши, рефлектор 
ларингоспазм, қайт қилиш, регургитация, аспирация ва ҳ.) ва/ѐки юрак-қон 
томир фаолияти билан юоғлиқ (артериал босимнинг тушиши, аритмиялар, 
юракнинг тўхташи), шунингдек аллергик реакциялар (анафилактик 
шокгача) каби асоратлар юз бериши мумкин. Анестезиолог мазкур 
холатлар ва ножўя таъсирларга тайѐр бўлиши ва уларни ўз вақтида 
аниқлаши ва ьартараф қилиши лозим. 
Анестезияни қувватлаб туриш. 
Анестезиянинг ушбу босқичи 
операция жараѐнига тўғри келади. Анестезиолог бу босқичда бемор болани 

---

8 
операцион стрессдан химоя қилиши билан бирга жаррохнинг ишлаши учун 
қулай шароит яратиб бериши лозим. У мунтазам равишда анестезиянинг 
асосий компонентларини бошқаради, яъни анестезия чуқурлигини 
ўзгартиради, йўқотилган қон хажмини тиклайди, меъѐрий газ 
алмашинувини таъминлайди, ножўя нейровегетатив реакцияларни 
братараф қилади. Агар операция ва/ѐки анестезия таъсирида беморнинг 
хаѐтий функцияларида жиддий бузилишлар пайдо бўлса ва у унинг хаѐти 
учун хавф соладиган бўлса, операция хажми ва кечишини ўзгартириш 
тўғрисидаги масалани хал қилади.