Тошбоев Ш. О. 17 Болалар анестезиологияси

6.
 
Меъѐрий қон айланишини қувватлаб туриш. 
Болалар қон 
йўқотиш ва гиповолемияга айниқса сезувчан бўладилар. Чунки уларда қон 
томирлар хажмига нисбатан юрак насос функциясининг компенсатор 
имкониятлари камдир. Шунинг учун аъзолар перфузиясини мўътадил 
даражада ушлаб туриш учун миокарднинг қисқариш қобилияти, қон 
томирлар тонуси ва айланиб юрувчи қон хажмини операциядан олдинги 
даврда пухталик билан меъѐрлаштириш лозим. Кўпчилик анестезиологлар 
ўз амалиѐтларида қон кетиш хажмини аниқлаш учун гравиметрик усулдан 
фойдаланадилар, бунинг учун барча ишлатилган операцион материаллар 
вазни ўлчанади, хосил бўлган йиғиндининг 55-58% ни йўқотилган қон 
ташкил қилади. Ушбу усул жуда оддий, бироқ ўта аниқликка эга эмас. 
Табиийки, қон айланиш тизимининг функционал холати адекват 
анестезиянинг мезонларидан бири бўлиб хисобланади. Гемодинамик 
бузилишларни бартараф қилиш учун нафақат инфузион воситалар, балки 
кардио- ва вазоактив таъсирга эга бўлган препаратлар ҳам қўлланилади. 
 
7.
 
Меъѐрий метаболизмни қувватлаб туриш – 
бу интраопеацион 
даврда алмашинув жараѐнлари, сув –электролит мувозанати, кислота-
ишқор холати, диурез ва тана хароратини бошқариш, тартибга солишдир. 
Ушбу масалаларга оид маълумотлар тегишли боболарда кенгроқ 
ѐритилган.
 
8.
 
А
нестезия хавфсизлиги ва қулайлигини таъминлаш. 
Хозирги 
пайтга келиб наркоз давомида организмнинг асосий витал функцияларини 

---

4 
кузатиб борувчи комплекс кўп функцияли мониторинг тизимларидан 
фойдаланилмоқда. Бу эса бемор учун хам, шифокор учун хам 
анестезиянинг хавсизлигини таъминлай олади. Бундан ташқари, жуда кўп 
замонавий воситалар ва умумий, регионар анестезия усуллари орасидан 
анестезия босқичлари ва операциядан кейинги даврда анестезиолог 
томонидан бемор бола учун қулай шароит ярата оладиган усулларни
танлаб олишни талаб қилади.