Топшириқлар (2019-2020 ўқув йилининг баҳорги семестри учун)

Магистратура мутахассислиги 1-курси учун “Юридик тил лексикаси” модулидан тайёрланган оралиқ назорат учун
ТОПШИРИҚЛАР
(2019-2020 ўқув йилининг баҳорги семестри учун)

1-казус Айтайлик, танланаётган ва кундалик мулоқотга кириб бораётган юридик лексикалар ҳуқуққа оид ҳолат, ҳодиса ва белги-тушунчаларнинг аниқ номини ифодалаяптими ёки бошқа тиллардан ўзлашаётган лексиканинг ўзбек тилидаги муқобили юридик тил меъёрларига мувофиқ келаяптими? Бу муаммоларни ҳал қилиш учун... Фикрни давом эттиринг.

2-казус Агар суд ҳукми етарли далилланмаса, суд томонидан тайёрланган ҳукмни қайта ишлаш, қонун доирасида қайта пишитиш; изоҳланмай қолган ўринлар, аниқ бўлмай қолган ҳолатларнинг мантиқан изчил бўлиши учун, янада тушунарли бўлиши учун матнни ислоҳ қилиш мумкин. Бунда ёзув ва унда қўлланадиган лексиканинг аҳамиятини тушунтиринг.

3-казус Тилнинг ижтимоий вазифаси нутқий фаолиятда, яъни нутқ сифатида кишилар ўртасида алоқа, фикрлашиш, сўзлашишни амалга оширишда яққол кўринади. Нутқ фаолияти кишиларнинг бир-бирларига тушунарли бўлган тил воситасида ўзаро фикр алмашишлари, нутқий алоқага киришишларидир. Бу жараён икки шаклда амалга ошади; оғзаки ва ёзма тарзда. Ҳар иккала шаклда ҳам лексикани қўллаш ўзига хосликларга эга. Ана шу хосликларни аниқ мисоллар асосида тушунтиринг.

Кафедра мудири Г.Гулямова
4-курс декани И.Эргашев