Топширда: Акромова Дилдора Қабул қилди: Рахмонов а reja

SAYLOV MADANIYATI. Madaniyat - bu itoat etish, rioya qilish demakdir. Shu sababli ham madaniyatlilik belgilari rasmiy va norasmiy qonun-qoidalarni, urf- odatlarni qadrlash, ularga itoat etish, rioya qilish va bu borada o'rnak ko'rsatish alomatlari bilan namoyon bo'ladi.
Saylov madaniyati, deganda saylovchilarning o'z siyosiy huquqlaridan oqilona foydalanib, saylovlarda faol ishtirok etishi, shuningdek ularning hamda saylov tashkilotchilarining saylovlarni o'tkazish, unda qatnashish va ovoz berish chog'ida amaldagi qonunlarga, o'rnatilgan tartiblarga amal qilishi, saylov qatnashchilarining bir birlarini hurmat qilishi tushuniladi.
ABSENTEIZM. Absenteizm atamasi lotin tilidan olingan bo'lib, "qatnashmaslik", "bosh tortish" degan ma'nolarni bildiradi. Absenteizmning mohiyati shundaki, unga ko'ra saylovchilar vakillik organi yoki mansabdor shaxslarni saylashda qatnashmaydi. Aholi o'zining siyosiy huquqlarini amalga oshirishga befarq qaraydi. Ba'zi bir xorijiy davlatlarda uchraydigan bunday holat O'zbekistonda uchramaydi.
O'zbekiston xalqi saylovlarda faol ishtirok etishi, o'zining siyosiy huquqlaridan oqilona foydalana olishi, saylov qonunchiligi va belgilangan tartib- qoidalar asosida o'zi xohlagan shaxsga ovoz bera bilishi, xullas huquqiy madaniyatining yuqoriligi bilan e'tiborga molik.
SAYLOV KOMISSIYALARI TIZIMI. O'zbekiston Respublikasida saylov komissiyalari tizimi - doimiy asosda ish olib boruvchi Markaziy saylov komissiyasi hamda saylov jarayonlarida tashkil etiladigan va saylovlar nihoyasiga etganidan keyin tugatiladigan okrug va uchastka saylov komissiyalaridan iborat.
"Saylov jarayoni" tashkiliy hodisa bo'lib, o'zida qonun bilan belgilangan, saylovlarni legitimligini ta'minlaydigan bosqichlarni birlashtiradi. Bosqichlar esa, o'z navbatida, o'zida saylovlarning aniq tadbirlari va saylov harakatlarini mujassamlashtiradi (birlashtiradi). Buni yanada aniqroq va sodda qilib ifodalasak, "saylov jarayoni" saylovlarni tayyorlash va o'tka3ishdan turli tadbir va saylov harakatlaridan iborat aniq bosqichlar yig'indisidir.