Toponimik iboralarning lingvomadaniy xususiyatlari

Tadqiqot obyekti sifatida ingliz va o’zbek tillarida toponimlar belgilab ko’rsatilgan manbalar tanlandi.

Tadqiqotning predmetini ingliz va o’zbek tillari toponimlarining etimologiyasi, leksik-semantik va onomastik-grammatik xususiyatlari tashkil qiladi.

Tadqiqotning usullari. Tadqiqotda qiyosiy-tarixiy, lingvogeografik,nominativ- onomasiologik, funksional-semantik tahlil usullaridan foydalanilgan.

Tadqiqotning ilmiy yangiligi:

• 
  Joy nomlari bilan bog’liq toponimlarni ingliz va o’zbek tillarida o’rganilishi bilan bog’liq ilmiy adabiyotlar o’rganildi hamda ularga munosabat bildirildi;
  
• 
  Ingliz va o’zbek tillari misolida toponimik iboralarning tadqiq tamoyillari va usullari asosida aniqlandi;
  
• 
  Joy nomlari bilan bog’liq toponimik iboralarning semantik tabiati belgilandi;
  
• 
  Toponimik iboralarning ikki til qiyosida farqli va o’xshash jihatlari ko’rsatildi va ular tasniflandi;
  
• 
  Toponimik iboralarning kelib chiqish asos va omillari, nomlanish xususiyatlari yoritib berildi.
  

Ilmiy ishning ahamiyati va tadbiqi

Magistrlik dissertatsiyasining nazariy xulosalari ingliz va o’zbek tillarida toponimik iboralarni yanada chuqurroq o’rganish imkonini beradi. Ish matnidan ingliz va o’zbek tillari bakalavr ta’lim yo’nalishlarida “O’rganilayotgan til aspektlari (qiyosiy tipologiyasi)” fanlarini o’qitishda keng foydalanish mumkin. Shuningdek, filologiya va tillarni o’qitish (o’zbek tili) ta’lim yo’nalishi talabalari ham “O’zbek onomastikasi”, “Sotsiolingvistika”, “O’zbek dialektologiyasi” kabi fanlarni o’qishda foydalanishlari mumkin bo’ladi. Shuningdek, dissertatsiya matnidan ma’lum bir hudud toponimlarining izohli lug’atini yaratish, yosh avlod tarbiyasida ona- Vatanga muhabbat va sadoqat tuyg’ularini rivojlantirishda foydalanish imkonini berishi bilan izohlanadi.

Dissertatsiyaning tuzilishi va hajmi. Dissertatsiya kirish, uch bob, xulosa va foydalanilgan adabiyotlar ro’yxatidan iborat bo’lib, umumiy hajmi ____ sahifani tashkil etadi.

Bajarilishi kutilayotgan ishning rejasi:

Kirish

I bob. Frazeologiya va joy nomlari bilan bog’liq muammolar.

1.1. Frazeologiyaning ingliz va o’zbek tillaridagi tadqiqi.

1.2. Joy nomlari bilan bog’liq iboralarning tasnifi.

II bob. Toponimik iboralarni ifodalovchi frazeologik birliklarning grammatik tarkibiy xususiyatlari.

2.1. Toponimik iboralarning struktur tasnifi.

2.2. Toponimik iboralarning morfologik tahlili.

III bob. Toponimik iboralarning lingvomadaniy xususiyatlari.

3.1. Ingliz tilida joy nomlari bilan bog’liq toponimik iboralarning lingvomadaniy xususiyatlari.

3.2. O’zbek tilida joy nomlarini ifodalovchi toponimik iboralarning lingvomadaniy o’ziga xosligi.

3.3. Madaniyatlarning o’zaro ta’siri ostida paydo bo’lgan toponimik iboralarning lingvomadaniy jihati.

Umumiy xulosalar.

Foydalanilgan adabiyotlar.

Ilmiy rahbar: f.f.n, dotsent A.A. Haydarov

Magistratura talabasi: A. Zaripova