Topografiyalíq anatomiya páni boyínsha oqíw metodikalíq-kompleks

13-LEKCIYA: IYTLERDA GASTROTOMIYA, ENTEROTOMIYA HÁM ISHEKLERDI KESIW TEXNIKASÍ. TUWRÍ ISHEKTE ÓTKIZILETUĞÍN OPERACIYALAR. GRÍJALARDÍ XIRURGIYALÍQ JOL MENEN DAWALAW.
LEKCIYA REJESI:
1. Gastrotomiya texnikası.
2. Enterotomiya texnikası - ishekti jarıq.
3. Ishekti kesiw.
4. Tuwrı ishekti kesiw -
a) anatomo-topografikalıq dúzilisi.
b) G. M. Olivkov, Myuller-Frik usılı.
v) Jasalma arqa shıǵarıwshı tesikti payda etiw.
5. Qarın grıjasın Operaciya usılı menen emlew.
a) grıja klassifikasiyasi.
b) kindik grıjasında Operaciya ótkeriw.
v) chov-urıqlıq qalta grıjasında Operaciya ótkeriw.

Gastrotomiya texnikası.
Bul Operaciya tiykarınan iytlerde alıp barıladı.
Anatomo - topografikalıq maǵlıwmatlar.
Iytlerdıń as qazanınıń tiykarǵı bólegi shep qabırǵa astı hám qılısh tárizli shemirshek bóleginde jaylasadı. Aldı tárepi bawırǵa tiyse, arqa tárepi 12- qabırǵaǵa jetip baradı ventral maydanı qarın diywali tárep qaragan, ol tolǵan waqtında oǵan tiyip turadı. As qazandı kishi qıyası aldınǵa jóneltirilgen hám kishi sharbı arqalı bawır menen birikkan. As qazandı úlken qıyasında kaudal tárepke úlken sharbı jóneltirilgen, ol qarın daǵı shólkemleri qarın diywalınan ajıratıp turadı.
Kórsetpesi - as qazan yamasa óeshtiń tómengi bólegine ózge denelerdiń tıǵılıp qalıwında.
Awırıwsızlandırıw- tınıshsız bolatuǵınlarǵa narkoz, neyrolept-analgeziya - 2. 5 % aminazin 1 ml 10 kg tiri vazngacha, rampun, rometar - 0, 15 gr 1 kg, ketamin, kolipsol, ketanal - 1 mg 1 kg, kesim sızıǵı boylap infiltratsion awırıwsızlandırıw, plevra ústi novokain blokadasi Mosin boyınsha.

Operaciya texnikası.
Haywan jelkeden fiksatciya etiledi. Kesim kindik aldı bóliminde ámelge asıriladı, uzınlıǵı 10 - 12 sm, ol medial yamasa paramedial alıp barılıwı múmkin. Qoldı qarın boslıǵına túsirip as qazan ózge dene menen birge jara arqalı sırtqa shiǵarıladı. Sonnan keyin as qazan salfetkalar járdeminde shegaralanadı hám qan tamırlar kem bolǵan ornı kesiledi. Kesim arqalı korsang yamasa barmaq menen ózge dene alıp taslanadı. Operaciyanıń juwmaǵı basqıshında as qazan jarasına Shmiden, Lamber tigisi qóyıladı. Sonnan keyin qarın diywali hám teri tigislenedi. Íyt bir neshe kún dietada uslanadı. Tigisler 7-10 kúnnen keyin alıp taslanadı.