Топилова Саодат Камолиддин қизи Илмий раҳбар: доц. Бекмуродов А. С

Э.П.Азизова, Г.У.Холматовалар Тошкент шаҳридаги мевали дарахтлар фитонематодаларининг экологик хусусиятларини ўрганганлар [2]. Илмий изланиш ишлари учун Тошкент шаҳар С.Рахимов туманида ўрик ўсимлигининг илдизи ва илдизи атрофидаги тупроқдан намуналар йиғилди. Муаллифлар томонидан олиб борилган фитогельминтологик тадқиқотлар натижасида ўрик ўсимлиги илдизи ва илдизи атролфидаги тупроқдан 19 авлодга мансуб 24 тур фитонематодалар аниқланди. Аниқланган ушбу фитонематодаларнинг 10 тури илдизнинг 60 см. чуқурлигида қайд қилинди. Илдиз атрофидаги тупроқ нематодафаунаси тур ва сон жиҳатдан бой эканлиги кўзга яққол ташланиб туради. Ер юзасидан 20 см. гача бўлган тупроқ чуқурлик қатламида 23 тур фитонематодалар қайд этилди.

Хулоса
Мавжуд адабиётлар таҳлили шуни кўрсатадики, Сурхондарё вилояти шароитида ўрик ўсимлиги фитонематодалари, уларнинг турлар таркиби, систематикаси, тарқалиши, паразит турлари ва уларга қарши кураш чоралари етарли даражада ўрганилмаган. Ушбу ҳолат мазкур мавзунинг долзарблигини ифодалайди.