Топилова Саодат Камолиддин қизи Илмий раҳбар: доц. Бекмуродов А. С

Ш.Х.Хуррамов ва Э.Т.Тўраевлар Ўзбекистон шароитида биринчи марта бир нечта мевали дарахтлар фитонематодалар фаунасини ўрганганлар [27]. Муаллифлар Сурхондарё вилояти шароитида ўрик ўсимлиги устида фитогельминтологик тадқиқотлар ўтказиб, мазкур ўсимлик илдизи ва илдиз атрофидаги тупроқда 88 турга мансуб фитонематодалар учраганлигини аниқлаганлар. Ўсимлик илдизи ва илдиз атрофидаги тупроқда Xiphinema americanicum, X. vuittenezi, Longidoris elongatus, Ditylenchus dipsaci, Tylenchorhynchus clarus, Pratylenchus pratensis,P. penetrans, P. thornei, Paratylenchus goodeyi, P. hamatus, P. bukowinensis, P. nanus, P. minitus каби касаллик келтириб чиқарувчи фитогельминтлар, яъни ҳақиқий паразит фитонематодалар тарқалганлиги ва улар ўрик ўсимлигининг ўсиши, ривожланиши ва ҳосилдолрлигига жиддий зарар етказишини қайд этганлар.

G.R.Stirling Жанубий Австралияда ўрик ўсимлигида Paratrichodorus lobatus турининг паразитлик қилиши ва мазкур зараркунанда ўсимлик шираси билан озиқланиб, унинг илдиз системасига жиддий зарар етказганлигини қайд этган

G.R.Stirling Жанубий Австралияда ўрик ўсимлигида Paratrichodorus lobatus турининг паразитлик қилиши ва мазкур зараркунанда ўсимлик шираси билан озиқланиб, унинг илдиз системасига жиддий зарар етказганлигини қайд этган

Р.А.Тиев, Т.С.Скарбиловичлар Кабардин-Балкарияда бир нечта мевали дарахтларда учровчи Longidoridae оиласига кирувчи фитонематодалар комплексини ўрганганлар [21]. Муаллифлар ўрик ўсимлиги илдизи ва илдиз атрофидаги тупроқда лонгидоридлардан Xiphinema vuittenezi, X. mediterraneum, X. punaicum, Longidorus elongatus турлари кўп сонда учраб, ўсимликка жиддий зарар етказганлигини қайд этганлар.

Э.П.Азизова, Г.У.Холматовалар Тошкент шаҳридаги мевали дарахтлар фитонематодаларининг экологик хусусиятларини ўрганганлар [2]. Илмий изланиш ишлари учун Тошкент шаҳар С.Рахимов туманида ўрик ўсимлигининг илдизи ва илдизи атрофидаги тупроқдан намуналар йиғилди. Муаллифлар томонидан олиб борилган фитогельминтологик тадқиқотлар натижасида ўрик ўсимлиги илдизи ва илдизи атролфидаги тупроқдан 19 авлодга мансуб 24 тур фитонематодалар аниқланди. Аниқланган ушбу фитонематодаларнинг 10 тури илдизнинг 60 см. чуқурлигида қайд қилинди. Илдиз атрофидаги тупроқ нематодафаунаси тур ва сон жиҳатдан бой эканлиги кўзга яққол ташланиб туради. Ер юзасидан 20 см. гача бўлган тупроқ чуқурлик қатламида 23 тур фитонематодалар қайд этилди.