Томонидан дарслик сифатида тавсия этилган

бўлган корхоналар. 
Бундан кўринадики, давлат ишлаб чиқариш корхоналари 
ёки корпорациялари ўзида тижорат корхоналари ва давлат органлари 
белгиларини мужассамлаштириб, корхоналарнинг анча кенг тарқалган 
ташкилий, ҳуқуқий шакли ҳисобланади.
Аралаш компаниялар
– давлат ва хусусий омонатчиларнинг 
акцияларини бирлаштириш асосида ташкил этилган акциядорлик 
жамиятлари ва мажбуриятлари чекланган ширкатлар шаклидаги 
корхоналар.
Аралаш компаниялар акциядорлик жамиятлари тўғрисидаги 
қонун асосида иш юритади ва юридик шахс ҳисобланади, хўжалик 
фаолиятида хусусий фирмалар билан баробар тижорат асосида қатнашади. 
Шу билан бирга, улар хусусий фирмаларга нисбатан маълум имтиёзлардан 
фойдаланади. Бу имтиёзларга давлат томонидан молиявий ёрдам ва 
дотациялар бериш, чет эл лицензияларини енгил шартлар билан олиш, бошқа 
давлат корхоналаридан хомашё ва ярим фабрикатларни қатъий белгиланган 

---

215 
нархларда олиш, ишлаб чиқарган маҳсулотни сотиш учун бозор билан 
таъминланганлик ва шу кабилар. 
Корхоналарнинг мулкчилик мавқеидан ташқари хилма-хил ташкилий-
ҳуқуқий шакллари ҳам мавжуд бўлади. Корхоналар хўжалик жамиятлари ва 
ширкатлари, ишлаб чиқариш кооперативлари, жамоа корхоналари, ижара 
корхоналари, хўжалик бирлашмалари шаклида тузилиши мумкин. 
Кооператив тадбиркорлик – жамоа мулкига асосланиб, кооперация 
аъзоларининг унинг фаолиятида ўз меҳнати билан иштирок этишини 
тақозо этувчи жамоа тадбиркорлигининг алоҳида шакли.
Кооператив 
мулкчиликка 
асосланган 
тадбиркорликнинг 
асосий 
белгилари 
қуйидагилардан иборат: ишловчиларнинг ишлаб чиқариш воситалари билан 
бевосита қўшилиши (хусусий мулкчиликда бундай қўшилишда мулкдор, 
давлат мулкчилигида эса давлат воситачи ҳисобланади); кооперация 
аъзоларининг ишлаб чиқариш воситаларидан кенг фойдалана олиши; 
уларнинг иқтисодий жиҳатдан тенг ҳуқуққа эгалиги; жамоанинг ўзини ўзи 
бошқаришни амалга ошириши; жамоа ва шахсий манфаатлар уйғунлигининг 
юзага келиши ва ҳ.к.