Томиди туманидан сўзга чиқувчилар РЎйхати

ХУДОЙБЕРДИЕВ Авазжон Ахматович 1985 йил, Навоий вилояти, Навбаҳор тумани
	Миннатдорчилик: Ассалому алайкум ҳурматли Шавкат Миромонович! Мен Худойбердиев Аваз Навбаҳор тумани “Қоражон” маҳалласи бўйича ҳоким ёрдамчисиман. Мен, шу йилнинг январ ойидан Навбаҳор тумани “Қоражон” маҳалласига Тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчиси лавозимига тайинландим. Дастлаб мен, ўз ишимни маҳалламиздаги хонадонларни хатлов қилишдан ҳамда бу орқали маҳалланинг ўсиш нуқтасини аниқлашдан бошладим. Хатловда маҳалламизнинг ўсиш нуқтаси деҳқончилик ва чорвачилик эканлиги аниқланди. Хатлов натижасида маҳалламизда 547 та хонадон 646 та оила, 2212 нафар аҳоли мавжудлиги аниқланди. Бундан ташқари маҳалламизда 48 нафар ишсиз фуқароларимиз борлиги маълум бўлди. Ҳозирги кунда ушбу ишсиз фуқароларимиздан 21 нафарини бўш иш ўринлари орқали, жамоат ишларига жалб қилиш орқали, ва тадбиркорликни йўлга қўйиш орқали бандлигини таъминладим. Ишсиз фуқароларимизни иш билан бандлигини таъминлашда уларнинг шахсий томорқаларида иссиқхона қуриш орқали, чорвачилик билан шуғулланиши орқали тикувчилик, паррандачилик, асаларичилик йўналишларида ўз тадбиркорлигини йўлга қўйиши орқали банд бўлишига эътибор қаратмоқдаман. Бундан ташқари, сектор ҳудудида қиймати 14,0 млрд.сўм бўлган “Қоражон текстил” МЧЖ ишга туширилиши натижасида 300 та янги иш ўринлари яратилди. Корхона томонидан йилига 700 минг АҚШ доллари қийматидаги 500 минг дона трикотаж маҳсулотлари ишлаб чиқарилмоқда. Шундан, 500 минг АҚШ доллари қийматидаги маҳсулотлар экспортга чиқарилади Корхона томонидан ишлаб чиқарилиши режалаштирилган маҳсулотлар ҳозирда НКМК, Геология ва минерал ресурслар қўмитаси, Ўзбекнефтгаз каби корхоналар томонидан импорт қилинаётган бўлиб, келажакда “VIK ENGINEERING” корхонасининг маҳсулотлари тўлиқ маҳаллийлаштирилишига эришилади ва бир йилда 5,0 млн. АҚШ доллари ҳисобидаги импорт қилинаётган маблағлар иқтисод қилинади. Ҳурматли Шавкат Миромонович Сизнинг бизга билдираётган ишончингизни албатта оқлаймиз, Сиз яратиб бераётган барча имконият ва шароитлардан унумли фойдаланиб маҳалламда ишсиз фуқаро, камбағал оила бўлмаслигига ваъда бераман.