Тўқнашувлар ва уларни бартараф этиш йўллари Режа

Юмшоқ услуб ён бериш стратегиясига асосланади, қаттиқ - иродага, қатъиятлилик (принципиал) эса, икки услубни қўшади, албатта этикет чегарасидан чиқмаган ҳолда, муаммони уларнинг моҳиятига қараб ечади. Музокаралар натижасига кўпгина омиллар таъсир этади: таассурот, ҳиссиёт, турли томонлар позициялари ва бошқалар.
Турли баҳсларни ҳал этиш учун фикрлаш тарзини аниқлаб олиш зарур бўлади, оппонентларнинг тафаккурлашини билиш музокараларни омадли олиб боришга катта ёрдам беради.
Музокара олиб боришнинг яна бир жиҳати эмоциялар, ҳиссиётга ҳам боғлиқ, ҳисларни жиловлаш услуби жуда қўл келади, бунда баҳсда юзага келадиган ғазаб-жаҳл, қўрқув ҳисларидан қутулиш зарур. Бундан ташқари, душманона вазиятни узр сўраш, таассуфдалигини билдириш, ўзаро қўл сиқиш ҳамда қиммат бўлмаган туҳфалар бериш ҳам юмшатади.
Қатъиятли, принципиал музокара олиб бориш икки масалани ўзига қамраб олади:

• 
  объектив мезонларни қандай ишлаб чиқиш керак?
  
• 
  уларни музокарада қандай қўллаш лозим?
  

Объектив мезонлар тарафларнинг хоҳишларидан қатъий назар, аниқ, қонуний ва амалий бўлиши керак.
Ҳозирги кунда ишлаб чиқаришда, иш жараёнида, кундалик ҳаётда, юқори даражадаги давлат корхоналарида ҳамда халқаро муносабатларда кўпроқ содир бўладиган конфликтли вазиятлар учрайди.
Шунинг учун ҳам хизмат этикети қоидаларини ўз ичига олувчи хизмат мулоқоти маданиятини ишлаб чиқиш долзарб масалага киради. Бу қоидаларга риоя этмаслик нохуш оқибатларга олиб келади. Демак, хизмат мулоқотини олиб боришни, ишда хизматдошлар билан ўзини тутишни билмаслик ҳолатлари кўп одамларнинг вақтини беҳуда йўқотишга олиб келади ва ноқулай вазиятларни келтириб чиқаради.
Бундай аҳволга тушмаслик учун ишда айрим зарурий талабларга, расман бўлса ҳам риоя этиш керак: хушмуомалада бўлиш, аниқ баён қилиш, зийракликни намоён этиш, табиийлик, яхши ниятлик ва очиқ кўнгиллик.
Конфликтлар вужудга келганда, уларни бартараф этиш учун узоқ мулоқотлар олиб боришга тўғри келади.

2.