“Tálim sistemasında elektron tálim ortalıǵında islewdegi mashqalalar hám sheshimler”

“Tálim sistemasında elektron tálim ortalıǵında 
islewdegi mashqalalar hám sheshimler”
Tálimdegi tiykarǵı innovciyalıq usıllar: mashqalaǵa tiykarlanǵan hám proektga 
tiykarlanǵan oqıtıw usılları, izertlew usılları, modullı-reduktiv tálim, oyın texnologiyası, 
intellektual hújim, dóretiwshilik tapsırmalar hám taǵı basqalardan ibarat.
PRESS-METOD usılı tartıslı sorawlar payda bolǵanda hám siz talqılaw qılınıp atırǵan 
másele boyınsha arnawlı bir poziciyanı iyelewińiz kerek bolǵan shınıǵıwlardan bolıp 
esaplandı. Maqset: bul usıl oqıwshılarǵa sabaq dawamında dálillerdi tańlaw yamasa talqılaw 
teması boyınsha óz pikirlerin dálilep beriw múmkinshiligin beredi. Bul usıl oqıwshılarǵa óz 
pikirlerin túsindiriw hám máseleni aniq formada jetkiziwge járdem beredi. 
MIKROFON usılı hár kimga óz gezeginde sorawǵa tez juwap beriw, yamasa óz 
pikirlerin, pozitsiyaların tez jetkizip beriwge qaratılǵan. Oqıwshıǵa “mikrofon” beriledi, 
basqa oqıwshılarǵa óz gezegi kelmegenshe sóz berilmeydi. Oqıwshı 
qolında mikrofon bar hám ol óz pikriń bildiriwi kerek. Sol sebepli oqıshlar sóylew, óz pikirin 
jetkiziw menen birlikte keleshekte jámiyette óz ornın tabıw imkániyatına da iye boladı[2].
Jámiyetlik pánlerde oqıtıwdıń innovciyalıq usıllarınıń jáne biri bul IKT bolıp oqıtıwda 
interaktiv texnologiyaları sabaqlarda paydalanıwdı óz ishine aladı: Internet texnologiyaları, 
multimediya tálim ónimleri (audio, video), kompyuterdi oqıtıw sistemaları (elektron 
sabaqlıqlar, trenajyorlar ), elektron bilimlerdi sınaqtan ótkeriw sistemaları (kompyuter 
testleri), jańa texnikalıq oqıtıw quralları (interaktiv doska hám basqalar ). multimedia 
proektorı hám basqalar), proekt usılı, aralıqtan oqıtıw elementleri, aralıqtan test alıw, 
modellestiriw texnologiyası hám basqalar kiredi. Interaktiv usıllardan paydalanǵan 
sabaqlarda oqıwshılarda sezimler, ideyalar, qızıǵıwshılıqlar, mútajlikler sıyaqlı motivlar 
payda boladı, sol sebepli bunday sabaqlarda motivatsiya kúshedi hám sol sebepli sapa 
jaqsılanadı. Zamanagóy tálimde jámiyetlik pánlerdi oqıtıwda biz usılardı birlestire alsaq 
nátiyje joqarı dárejede boladı.