“Tálim sistemasında elektron tálim ortalıǵında islewdegi mashqalalar hám sheshimler”

“Tálim sistemasında elektron tálim ortalıǵında 
islewdegi mashqalalar hám sheshimler”
Ámeliy
shınıǵıwlarda oqıwshılar shınıǵıwdı orınlaw, normativler hám háreket 
usılların, orınlaw texnikasın uyreniwleri hám bekkemlewi, sonday-aq, qurılmalar jıxazlanǵan 
maydanshalar, shınıǵıwlar ornı hám qural jaraq, ásbaplar, injenerlik qurallar, jeke ximiya 
quralları, sport snariyadları hám inventarlarınan paydalanǵan halda oq atıw hám basqa 
máselelerdi sheshiwdi uyreniwleri tiyis. 
Ámeliy shınıǵıwlardı durıs shólkemlestiriw hám ótkeriwde áskeriy basshınıń sabaqqa 
degen munásibeti hám shuǵıllanıwshılarǵa tásir ótkize alıwı, jeke ulgisi áhmiyetli orındı 
tutadı. Dóretiwshilik jeke ulgi, áskeriy basshı, SHSHBT páni oqıtıwshısınıń joqarı ámeliy 
tayarlıǵında, shınıǵıwdı jaqsı alıp bara biliwinde, bilim alıwshılarǵa shınıǵıw usılların anıq hám 
sulıw etip kórsete biliwinde, qısqa hám anıq tusindire alıw menen birge olardı qızıqtıra alıwında 
kórsetiledi. Shınıǵıw basshısı sabaq waqtınan unemli paydalanıp, onıń optimal sıyımlılıǵına ámel 
etiwi, hár bir shınıǵıw ushın kerekli shınıǵıw, usıl hám háreketlerdi durıs tańlay biliwi, olardıń 
intensiv orınlanıwın yaqniy sabaq procesinde juklemeni durıs bólistiriwdi biliwi lazım. 
Usı maqsette shınıǵıw basshısı oqıwshıda kerekli sıfatlardı qáliplestiriwge aytarlıqtay 
qılmaytuǵın, uyreniwde uzaq waqıttı talap etetuǵın, shınıǵıw, usıl háreketlerdi qollanıwdan 
qashıwı kerek. Sonıń ushın shınıǵıwlardıń orınlanıwın páseytetuǵın hám sonıń menen birge 
shınıǵıwlardı sabaqlarda tákirarlaw sanın kemeyttiretuǵın ózin aqlamaytuǵın sırtqı 
elementlerdi shınıǵıwlarǵa qosıw usınıs etilmeydi. Tájiriybeli shınıǵıw basshısı tálimdi 
quramalı bolmaǵan shınıǵıwlardı oqıtıw elementleri boyınsha emes,bálkim putini menen alıp 
baradı hám imkaniyatı barınsha (bunday shınıǵıwlardı keyninen orınlaw texnikasınıń 
ózleztiriliwi haqqında umıtpaǵan halda) hámme waqıtta qayta-qayta tusındırıwler hám 
tákrariy kórsetip beriwge artıqsha bir minuttı sarplamastan tálimdi kush-ǵayrat penen, tezlik 
penen alıp barıwǵa ótedı.Tártipti bekkemlew hám bilim alıwshılardı oqıw shınıǵıwlarına 
qızıqtırıw máqsetinde shınıǵıw basshısınıń umtılıwı, háreketsheń hám hár tárepleme 
rawajlanǵan oqıwshılardı basqalarǵa ulgi etiw arqalı marapatlawı,tómen oqıytuǵınlarǵa bolsa 
tásir etiwi hám olarda áskeriy hám fizikalıq jaqtan tayarlıqlarına juwapkershiligin arttırıwı 
máqsetke muwapıq boladı. Haqiyqatında da ámeliy shınıǵıwlardı ótiwde áskeriy basshı, 
SHSHBT oqıtıwshıları ushın onıń tiykarǵı faktor hám qaǵıydaların biliw hám olarǵa qatań 
ámel etiw jeterli emes, bunnan tısqarı olardı ámeliyatta qollana alıwı ,hár bir shınıǵıwda 
normativ, usıl hám háreketler orınlanıwın uyreniw hám shınıǵıw islewdiń jánede ulken 
imkaniyat beretuǵın sárt-sharayatın jarata alıwı mumkin boladı. 
Juwmaqlap aytqanda bul hámme talaplardı bir waqıttıń ishinde biriktiriw áskeriy basshı, 
SHSHBT oqıtıwshısınıń metodikalıq sheberligi bolıp esaplanadı. Bul sheberlik hár bir 
shınınıǵıwdı ótkeriw ushın jantasıw ortalıǵın jaratıp,áskeriy basshı, SHSHBT páni 
oqıtıwshısınıń óz gezeginde jeterli tájiriybe toplaw, shólkemlestiriw hám metodikalıq 
kónlikpelerge hám tiykarǵı sıpatlarǵa iye bolıw hám tájiriybe toplaw imkaniyatın beredi.