Qaraqalpaqstan
Respublikası xalıq bılımlendiriw xızmetkerlerin
qayta tayarlaw hám olardıń qánigeligin arttırıw aymaqlıq orayı
43
“Tálim sistemasında elektron tálim ortalıǵında
islewdegi mashqalalar hám sheshimler”
Oqıtıw sapasın jáne de jaqsılawda elektron tálim xızmeti hám onı jańalaw
Ixlasov Islam Userbaevich - Qaraqalpaqstan Respublikası xalıq bilimlendiriw
xızmetkerlerin qayta tayarlaw hám olardıń qánigeligin arttırıw Aymaqlıq orayı
Búgingi kúnde tálim procesine xabar-kommunikaciya hám aldıńǵı pedagogikalıq
texnologiyalar, elektron sabaqlıqlar, multimedia quralları keń engizilip atırǵanlıǵı oqıtıw
sapasın jaqsılawǵa xizmet etip atır. Ministrler Kabinetiniń 2006 jıl 7 iyun daǵı “Ózbekstan
Respublikası Xalıq bilimlendiriw ministrligi janında Multimedia -ulıwma bilim beriw
programmaların rawajlandırıw orayın shólkemlestiriw ilajları haqqında”gi sheshimi
tiykarında oray dúzilgen. Bul oray sol maqset jolında iskerlik júrgizip atır.
Oqıtıw sapasın jaqsılawda mısal retinde aytatuǵın bolsaq, Xalıq bilimlendiriw
ministrliginiń rásmiy veb-saytı (www. uzedu. uz) jańalandi. Nátiyjede onıń “Bilimlendiriw”
bóliminde mektepge shekem tálim mákemeleri, mektepler, muzıka hám kórkem óner, sport
mekteplerine qabıllaw ushın kerekli hújjetler dizimi hám de arza formalarınıń elektron
kórinislerin júklep alıw múmkinshiligi jaratıldı. “Mektepden tısqarı tálim” informaciya
sisteması jumısqa túsirilip, “E-Mektep” birden-bir informaciya sistemasına jaylastırıldı.
Búgingi kúnde xalıq bilimlendiriw sistemasında jámi 493 elektron xabar-
komunikaciyalıq resursları ámeliyatqa engizilgen. Atap aytqanda, 374 elektron sabaqlıq,
video hám de audio sabaqlıqlar, ınteraktiv hám animatsiyalı virtual laboratoriya jumısları,
testler hám de taǵı basqa qosımsha resurslar Multimediyalar ulıwma bilim beriw
programmaların rawajlandırıw orayı tárepinen tayarlandı. Usı metodikalıq qóllanbalar hám
xabar-komunikaciyalıq resursları ministrliktiń www. eduportal. uz xabar-komunikaciyalıq
portalınıń “Elektron kitapxana” bólimine jaylastırılǵan.
Birinshi Prezidentimizdiń 2012 jıl 10 dekabr degi “Shet tillerdi úyreniw sistemasın jáne
de jetilistiriw ilajları haqqında”ǵı sheshimi tiykarında portalda “Shet tillerdi úyrenemiz” atlı
bólim de islengen. Oǵan jaylastırılǵan túrli qızıqlı oyınlar, tálim resursları oqıwshılarǵa shet
tillerdi tez hám de ańsat úyreniw múmkinshiligin beredi. Sonlıqtan, ótken oqıw jıllarında 1, 2
hám 3-klasslar ushın ingliz, frantsuz, nemis tilinen elektron xabar-komunikaciyalıq resursları,
5, 6, 7, 8 hám 9 -klasslarǵa audio sabaqlar tayarlanıp, tálim sistemasına engizildi.
Usı waqıtta 4-klass ushın ingliz, frantsuz, nemis tillerinen elektron xabar-
komunikaciyalıq resursı, 7-klasqa bolsa audio sabaqlar jaratılıp, tálim mákemelerine
jetkizildi. 1-klasqa mólsherlengen anglichan tili sabaqlıǵı jáne de jetilistirildi, “Kids' English-
3”, nemis tili páninen “Deutssh macht SpaB-3” hám frantsuz tili páninen “Hirondelle-3” -atlı
multimediya qosımshaları disk formasında kóbeytirildi hám tarqatıldı.
Ulıwma orta bilim beriw mektepleri oqıwshıları ushın sabaqlıqlar hám de metodikalıq
qóllanbalardıń elektron nusqaları saytqa jaylastırilǵanı, hár jılı jańa áwlad sabaqlıqları menen
almastırıp barılıp atırǵanı da paydalanıwshılar ushın qolaylıq jaratıp atır. Óz gezeginde, taraw
qánigeleri qatnasıwında seminar -treningler, video oqıwlar shólkemlestirilgenligi olarǵa
aldıńǵı tájiriybeler menen tanısıw imkaniyatın beredi.
Taǵı bir jańalıq, oqıw mákemeleri iskerligine keń jámiyetshilikti qosıw, ámelge asırılıp
atırǵan jumıslar menen ata-analardı tanıstırıp barıw maqsetinde “Xalıq bilimlendiriw
sistemasındaǵı eń jaqsı veb-saytlar” kórik-tańlawı da ótkerilip atır. Bul bolsa oqıwshı hám
oqıtıwshılar ortasında óz jeke veb-saytların jaratılıwına qızıǵıwshılıqtı kúsheytiw,
informaciya texnologiyalarınan jáne de nátiyjeli paydalanıwdı támiyinlew, ul-qızlarda XKT
menen baylanıslı kásiplerge háwes oyatıwǵa xizmet etiwine gúman joq.
Do'stlaringiz bilan baham: 
