Tálim sapasın támiyinlewde informaciya texnologiyalarınıń ornı

Tálim sapasın támiyinlewde informaciya texnologiyalarınıń ornı

Búgingi kúnde tálim sisteması aldına bir qatar áhmiyetli wazıypalar qoyılǵan bolıp, atap aytqanda, erkin bilim alıwdı individuallastırıw, aralıqtan oqıtıw sisteması texnologiyasın, onıń quralların islep shıǵıw hám ózlestiriw, jańa pedagogikalıq hám de informaciya texnologiyaları, tayarlıqtıń modul sistemasınan paydalanǵan halda oqıwshılardı oqıtıwdı jedellestiriw áne sonday aktual wazıypalar qatarına kiredi.

Pán hám texnikanıń ámeldegi jańalıqları olardı oqıw programmaları hám sabaqlıqları mazmunına jedel kirgiziwdi talap etedi, jáne de bul arqalı oqıwshılardıń zamanagóy bilimlerin qáliplestiriwge imkániyat jaratadı. Zamanagóy oqıtıw texnologiyalarınıń engiziliwi hám túrli metodikalıq jantasıwlar bolsa, óz gezeginde, oqıwshılarda kóplegen fundamental túsiniklerdiń jeńil hám bekkem qáliplesiwine qolay sharayat jaratadı.
Bárshemizge belgili, pán hám texnika jedel pát menen rawajlanıp atırǵan búgingi kúnde kóplegen ilimiy bilimler, túsinik, qıyallar hám informaciyalar kólemi keskin artıp barmaqta. Bul bir tárepten pán hám texnikanıń jańa bólimleri hám tarawlarınıń qáliplesiwin támiyinlep atırǵan bolsa, ekinshi tárepten, pánler arasında húkimran bolǵan shegaralardı buzib, integraciya processin jedellestiriwdi talap etedi.
Házirge waqıttaǵı oqıw shınıǵıwlarınıń dúziliwi oqıwshıdan kúndelik pánler kompleksi menen de, olar boyınsha beriletuǵın tapsırmalar kompleksi menen de esaplawıwdı talap etedi. Bul bolsa ámelde kóplegen mashqalalardi keltirip shıǵaradı.
Bunday sharayatta oqıwshılar bólek alınǵan (ózi júdá qızıǵatuǵın) qandayda bir pánge pútkil dıqqat qoyıwın tolıq qarata almaydı. Usı jaǵdaylarda, názerimizde, modulli oqıtıw eń jaqsı sheshim esaplanadı.
Juwmaqlap aytqanda, oqıtıw teoriyasında jańa pedagogikalıq hám informaciya texnologiyaların bir-birinen ajıratıw múmkin emes, sebebi jańa pedagogikalıq texnologiyalardıń keń engiziliwi tálim paradigmasın ózgertedi hám tek zamanagóy informaciya texnologiyaları ǵana jańa pedagogikalıq texnologiyalardıń múmkinshiliklerinen nátiyjeli paydalanıwdı támiyinleydi.

Qaraqalpaqstan Respublikası

informaciya texnologiyaları
texnikumınıń arnawlı pán
oqıtıwshısı Sh.Allambergenova