Tjbt” fakulteti “iqtisodiyot” kafedrasi xasanova Gulruh Djumanazarovna

1-BO‘LIM. KURS ISHLARINING MAVZULARI
Kurs ishlarining mavzulari “Iqtisodiyot” kafedrasida ishlab chiqildi va tasdiqlandi. Kurs ishi mavzulari hozirgi zamon dolzarb iqtisodiy muammolarini o‘z ichiga olishi zarur. Ushbu mavzularda bozor iqtisodiyoti islohotlarining vazifalari aks ettirilishi kerak va bular O‘zbekiston Respublikasi birinchi Prezidenti I. A. Karimov tomonidan ishlab chiqilgan, milliy iqtisodiyotni rivojlantirish yo‘li bo‘lgan - besh tamoyilga asoslanishi va Prezidentimiz SH.M.Mirziyoev tomonidan ilgari surilgan 2022−2026 yillarda O‘zbekistonni rivojlantirishning ettita ustuvor yo‘nalishi bo‘yicha Taraqqiyot strategiyasini ustuvor yo‘nalishlariga e’tibor qaratish lozim.
Asosiy e’tibor, bozor munosabatlarining joriy etilishini ta’minlaydigan o‘zbek modelini hayotga tadbiq etishga qaratilishi darkor. Kurs ishining mavzulari 1- ilovada keltirilgan.
Kurs ishining mavzulari iqtisodiyot ta’lim yo‘nalishi talabalariga “Iqtisodiyot” kursini o‘qitishning boshlang‘ich bosqichiga taqsimlanadi.
Bu esa, talabalarni tanlagan kurs ishlari mavzulari bo‘yicha jamlangan nazariy materiallarini statistik ma’lumotlar bilan birga bir tizimga kiritish va ular natijasida erishilgan iqtisodiy samaradorlikni hayotga tadbiq etish uchun asoslangan aniq takliflarni ishlab chiqishlarini taqozo qiladi.
Kurs ishi mavzulari talabalar oldiga aniq vazifalar qo‘yish kerak.
Kurs ishi mavzulari talabalar uchun tashkil etilgan ilmiy tadqiqot jamiyatlari va to‘garaklarda ishlab chiqilgan mavzularga bog‘liq bo‘lsa, maqsadga muvofiq bo‘lar edi.
Imkoni boricha, kurs ishiniig mavzulari “Iqtisodiyot” kafedrasida bajarilayotgan ilmiy - tadqiqot ishlari yo‘nalishdagi mavzusi bilan bog‘liq holda bo‘lishi zarur.


2-BO‘LIM. KURS ISHINING MAVZUSI VA HAJMI.
Har bir kurs ishi mavzusidan qatiy nazar taxminan quyidagi bo‘limlardan iborat bo‘lishi kerak:

• 
  Kirish,
  
• 
  Mavzuning nazariy asoslarining yoritilishi,
  
• 
  Mavzuga oid statistik ma’lumotlarning Respublika miqyosidagi tahlili,
  
• 
  qo‘yilgan muammolar echimining asosiy yo‘nalishlari
  
• 
  xulosa
  
• 
  foydalanilgan adabiyotlar ro‘yxatidan iborat.
  

Har bir ko‘rsatilgan bo‘limlarning hajmi va mazmuniga nisbatan qo‘yilgan talablar quyidagicha:
- Kirish bo‘limida. Kurs ishining tanlangan mavzusining maqsadi va vazifalari, xalq xo‘jaligidagi uning ahamiyati yoritilishi kerak. Talaba tomonidan qaysi manbalardan, iqtisodiy tahlil uslublaridan foydalanilganligi ko‘rsatilishi zarur. Ushbu bo‘limni yoritish jarayonida mavzuga taalluqli bo‘lmagan, umumiy gaplardan chetlanish lozim. Kirish bo‘limining hajmi 3-4 qo‘lyozma varaqasidan ko‘p bo‘lmasligi kerak.