Тизимли таҳлил, қарор қабул қилиш технологиялари, ахборот-таҳлилий

Кириш

Тизимли таҳлил, қарор қабул қилиш технологиялари, ахборот-таҳлилий фаолият ҳар кандай мамлакатнинг давлат ва жамият бошқарувида, ижтимоий ҳаѐтнинг турли соҳаларида амалга ошириб келинган ва бугунги кунда ҳам тобора ривожланиб бораѐтган фаолиятлиги барчага аѐн. Айниқса бу борада юксак даражада ривожланган мамлакатларнинг тажрибаси муҳим ҳисобланади. Уларда давлат ва жамият бошқаруви билан бир қаторда корпорациялар, компаниялар, ишлаб чиқариш корхоналари, фирмалар, ижтимоий бошқарув ташкилотларининг деярли барчасида таҳлилий фаолият ўта муҳим соҳа ҳисобаланади. Ўзбекистон Республикаси Президенти Ш.Мирзиѐев 2017 йил 14 январ куни Вазирлар махкамасининг 2016 йил якунларига бағишланган мажлисидаги ўз чиқишида таъкидлаганидек, танқидий таҳлил, қатъий тартиб интизом ва шахсий жавобгарлик ҳар қандай раҳбар фаолиятининг асосини ташкил этади¹.
Хозирги замон таълим тизимининг бош мақсадларидан бири юқори маданиятли, тизимли фикрлай оладиган, учраши мумкин бўлган мураккаб муаммоларни еча биладиган, комил инсонни тарбиялаш тизимини яратишдир.
Замонавий педагог бугун катта хажмдаги маълумотларни тахлил қила олиши, ўзининг педагогик қарорларини асослаб бера олиши, ўз тажриба ва билимларига асосланган холда тизимли фикрлаш ва нихоят тизимли прогнозлаштириш қобилиятига эга бўлиши лозим.
Тизимли таҳлил - бу шундай бир ижодий жараѐнки, унинг натижасида алоҳида фактлар режалаштириш, назорат қилиш ва мувофиқлаштириш билан боғлиқ маълум қарорларни қабул қилувчи ва бажарувчи давлат органлари ва мансабдор шахслар учун мўлжалланган тайѐр маҳсулотга айланади.
Тизимли таҳлил ва қарор қабул қилиш, ахборот-таҳлилий фаолият билан у ѐки бу даражада ижроия ҳокимияти ва ўрта бўғин вакиллари ҳам, рахбар кадрлари, шунингдек олий таълим соҳаси вакиллари ҳам шуғулланади. Шунинг учун ҳозирги даврда ҳар бир ходим ахборот-таҳлил ишининг усул ва воситаларини билиши ҳамда юзага келувчи вазиятларни тадқиқ қилишда улардан самарали фойдалана олиши лозим. Илмий услубларни эътиборга олмаслик ѐки улардан фойдалана билмаслик нафақат

вақт ва кучни исроф қилишга, балки кейинчалик муҳим қарорлар қабул қилишга ҳам салбий таъсир кўрсатиши мумкин.

Вахоланки шу кунгача республикамизда тизимли тахлил қилишни биладиган, тизимли фикрлаш қобилиятига эга мутахасислар тайѐрлаш муаммоси етарли даражада хал бўлгани йуқ. Бунга сабаб кўпчилик профессор-ўқитувчиларимизда муаммога тизимли ѐндашув ва тизимли фикрлашнинг етарли даражада эмаслиги, бу билимларнинг ишлатилмаслигидир.
Шундай қилиб билим тараққиѐти бир томондан жуда кўп янги фактлар, турли соҳаларга оид маълумотларнинг очилиши ва тўпланишига олиб келди, бошқа томондан инсоният олдига уларни тизимлаштириш вазифасини қўйди. Анализ, синтез ва қисмлар ўртасидаги ўзаро алоқа англашнинг бўлакларга бўлинганлиги тизимли билишнинг ѐрқин мисолидир.
Демак, тизимли таҳлил муаммони ҳал қилиш методологияси сифатида барча зарурий услубларни, билимларни ва муаммони ечиш учун лозим бўлган ҳаракатларни умумлаштирувчи устун вазифасини бажаради. Айнан шу билан унинг жараѐнлар тадқиқоти, статистик ечим назарияси, ташқиллаштириш назарияси ва бошқа шу каби соҳалар билан муносабати аниқланади. Тизимли таҳлил у ѐки бу методдан қайси босқичда ва қандай шаклда фойдаланиш лозимлигини аниқлаб беради.
Мазкур ўқув методик мажмуа (ЎУМ) Ўзбекистон Республикаси Президентининг 2015 йил 12 июндаги “Олий таълим муассасаларининг раҳбар ва педагог кадрларини қайта тайѐрлаш ва малакасини ошириш тизимини янада такомиллаштириш чора-тадбирлари тўғрисида”ги ПФ-4732- сон Фармони, 2016 йил 30 ноябрдаги “Олий таълим муассасаларининг раҳбар ва педагог кадрларини қайта тайѐрлаш ва малакасини ошириш тизимини янада такомиллаштириш чора-тадбирлари тўғрисида”ги 2015 йил 12 июндаги ПФ–4732-сон Фармонига ўзгартириш ва қўшимча киритиш тўғрисида”ги ПФ–4860-сонли Фармони, 2017 йил 7 февралдаги “Ўзбекистон Республикасини янада ривожлантириш бўйича Ҳаракатлар стратегияси тўғрисида”ги ПФ–4947-сонли Фармони, 2017 йил 16 февралдаги “Олий ўқув юртидан кейинги таълим тизимини янада такомиллаштириш тўғрисида”ги ПФ–4958-сонли Фармони, 2017 йил 20 апрелдаги “Олий таълим тизимини янада ривожлантириш чора-тадбирлари тўғрисида”ги ПҚ–2909-сонли Қарори ҳамда 2019 йил 27 августдаги “Олий таълим муассасалари раҳбар ва педагог кадрларининг узлуксиз малакасини ошириш тизимини жорий этиш тўғрисидаги” ПФ-5789 сонли Фармонидаги устувор йўналишлар мазмунидан келиб чиққан ҳолда тузилган бўлиб, олий таълим муасссасалари педагог кадрларнинг касбий тайѐргарлиги даражасини ривожлантириш, уларнинг илғор педагогик тажрибаларни ўрганишлари ҳамда замонавий таълим технологияларидан фойдаланиш бўйича малака ва кўникмаларини такомиллаштиришни мақсад қилади.
ЎУМ мазмунида олий таълимнинг долзарб масалаларини ўрганиш, глобал Интернет тармоғидан фойдаланган ҳолда ўқув жараѐнига замонавий педагогик ва ахборот технологияларини жорий этиш, педагогнинг шахсий ва касбий ахборот майдонини лойиҳалаш, педагогик маҳоратни ошириш, фан, таълим, ишлаб чиқариш интеграциясини таъминлаш, тегишли мутахассисликлар бўйича илм – фанни ривожлантиришнинг устивор йўналишлари, илмий – тадқиқотлар ўтказишнинг самарали методларидан фойдаланишга ўргатиш асосий вазифалар этиб белгиланган.
Шу билан бирга олий таълим муассасалари профессор- ўқитувчиларнинг мунтазам касбий ўсишда интерактив методлар, педагогларнинг таҳлилий ва ижодий фикрлашини ривожлантиришга йўналтирилган инновацион методикалар, масофадан ўқитишни, мустақил таълим олишни кенгайтиришни назарда тутувчи техника ва технологиялардан фойдаланган ҳолда машғулотлар олиб бориш малака ва кўникмаларни ривожлантириш назарда тутилади.