Tizim va signallarni qayta ishlash O’quv uslubiy majmua

Qo‘zg‘almas va suruluvchi vergulli SPlarni taqqoslash. 
Ma’lumotlarni SV 
formatda taqdim etishning eng muhim afzalligi bu dasturchi ishining oddiy va 
qulayligidir, chunki ma’lumotlarni masshtablashtirish, natijalarni olganda to‘lib 
ketganlikni nazorat qilish zarurati yo‘q. Apparat realizatsiyasi nuqtai nazaridan SVli 
SP arxitekturasi mantissa va tartib alohida ishlov berish sababli ancha murakkab.
SPning uyoki bu turini tanlashda yechiladigan ishlov berish masalalari sinfi, 
kiruvchi signallarning dinamik diapazoni, ishlov berish aniqligiga e’tibor berish 
kerak. Yechilayotgan masalalar va realizatsiya qilinayotgan algoritmlarni hisoblash 
murakkabligi, yaxlitlash va protsessorning razryadli setkasining to‘lib ketish 
ehtimoli xatolarini baholash uchun ko‘paytirish/bo‘lish amallarining hajmini 
hisobga olish kerak.
Yechiladigan masalalarning kengroq doirasini qamrab olish va arxitekturada 
qo‘llanishi uchun zamonaviy SPlarda, ham QVli, ham SVli rejimida ishlash 
imkoniyatlari nazarda tutilgan. Ko‘rsatiladigan xizmatlar doirasini kengaytirish, 
turli formatdagi (audio, video, grafika) kiruvchi o‘zgaruvchilar oqimining 
kattalashuvi munosabati bilan SP arxitekturasi SV rejimiga o‘tish yo‘lidan ketmoqda 
(maxsus qo‘llanishlar (masalan, harbiy) bundan mustasno). 
8.4. Hisoblash yadrosida ma’lumotlar ustida amallar 
Signal protsessorning hisoblash yadrosi (hisoblash moduli) ma’lumotlarga 
ishlov berish yakuniy natijalarini shakllantiruvchi asosiy qurilmalarga ega. Bunday 
qurilmalar kategoriyasiga quyidagilar kiradi: ko‘paytirib-qo‘shuvchilar, arifmetik-
mantiqiy qurilmalar, akkumulyatorlar, surish registrlari, ko‘p funksional registrlar, 
cheklovchilar. Ushbu qurilma larning ko‘pchiligi ularning parallel ishlashi nuqtai 
nazaridan ko‘rib chiqilgan edi. Bu yerda ularning hisoblash amallari ishlov 
berilayotgan ma’lumotlarning formati hisobga olinib ko‘rib chiqiladi [22].