Tishlarning umumiy anatomiyasi Tish sug’urishda qo’llaniladigan anesteziyalar

Yuqori va pastki jag’larning tuzilishi, yoshga doir xususiyatlari. Yuz kontrafoslari va prikuslar haqida tushuncha. Stomatologik aralashuvlarda og’riqsizlantirishni bajarish texnikasing klinik anatom asoslari: kantakt,mandibular, torusal, tuberal, infraorbital,insizival, palatinal va boshq

REJA:
1)Tishlarning umumiy anatomiyasi
2)Tish sug’urishda qo’llaniladigan anesteziyalar
3)O’tkazuvchi anesteziyalar


Tishlar - (dentes) xususiy og’iz bo’shlig’i va og’iz dahlizi orasidagi chegarada joylashadi. Tishlar odam suyaklari umumiy soniga kirmaydi, ularga mushaklar va boylamlar birikmaydi, balki ular o’z ildizlari bilan jag’ katakchalarida joylashadi. Tishlar mikroskopik tuzilishi, fizik, kimyoviy tarkibi bilan suyaklarga yaqindir. Tishlar yuqori va pastki jag’lar katakchalariga birikadi. Katta odamlarda doimiy tishlar - dentes permanentes bo’lib, ulaming soni 32 ta, bolalarda sut tishlari (dentes decidui) bo’lib ulaming soni 20 tani tashkil qiladi.
Tishning toj qismi (corona dentis), tishning asosiy qismini tashkil qilib, alveolaga kirish qismigacha bo’lgan joyni egallaydi.
Tish ildizi (radix dentis) alveolada joylashgan bo’lib, suyak usti pardasi orqali u bilan birlashgan.
Tish bo’yni (collum dentis) tish ildizi va toj qismi oralig’idagi toraygan soha. Shu sohada milk (gingivae) shilliq pardasi bilan tishlar o’zaro birikadi.
Milk juda mustahkam tuzilgan bo’lib, og’iz bo’shlig’i hamda dahliz tomonidan alveolyar o’siqlaming suyak usti pardasiga mahkam birikib turadi. Tish ichida bo’shliq (cavum dentis) bo’lib, kanal (canalis radicis dentis) ko’rinishida ildizgacha davom etadi. Bu kanal juda kichik teshik orqali ildiz cho’qqisi (apex radicis dentis)ga ochiladi. Shu teshik orqali tish ichiga qon tomir va nervlar kirib, tishning yumshoq qismi (pulpa dentis) da tarmoqlanadi va tish bo’shlig’ini to’ldirib turadi.
Tishning ko’p qismi juda mustahkam bo’lib, kalsiy tuzlariga boydir. Tishlar asosari dentindan tashkil topgan bo’lib, u tish ildizida suyak to’qimasi - sement bilan, toj qismida esa emal to’qimasi bilan qoplangan.
Dentin, asosan, elim ajratuvchi fibrillalardan tuzilgan va kalsiy tuzlariga to’yingan moddadan iborat bo’lib, pulpadan periferiyaga ketuvchi dentin kanalchalari orqali oziqlanadi. Dentin - suyakdan o’zida tomirlar yo’qligi bilan va hujayrasiz tuzilganligi bilan farq qiladi.