Тинчлик ва инсоният хавфсизлигига қарши жиноятлар урушни тарғиб қилиш

Тайёрланаётган террорчилик ҳаракатлари деганда, террорчилик хусусиятига эга жиноят содир этиш ёки суиқасд қилиш учун тайёргарлик кўришни ташкил қилувчи қилмишлар ва жиноят содир этиш учун иштирокчиларни танлаш ва қидириш тушунилади.
Содир этилган террорчилик ҳаракатлари деганда эса, террорчилик хусусиятига эга жиноятнинг зарурий белгилари ҳисобланган жиноий қилмишларнинг барчасини амалга ошириши ва шахс жиноий ниятини амалга ошириш ҳамда жиноят содир этишдан аввал режалаштирган ижтимоий хавфли қилмишларини тўлиқ бажариши, агар жиноятнинг оқибати қонунда назарда тутилган бўлса, ушбу жиноий оқибатнинг келиб чиқиши тушунилади.
Аниқ билиш жиноят ҳақидаги маълумотни аниқ, ишончли ва муқаррар билишни англатади.
Террорчилик ҳаракатлари тўғрисидаги маълумотлар ва фактларни хабар қилмаслик – узоққа чўзилган жиноят ҳисобланади. У субектнинг жиноят ҳақида хабар бериш мажбуриятларини бажаришга реал имкониятлари мавжуд бўла туриб, бажармаган пайтдан эътиборан тугалланган ҳисобланади ва у ҳақда ҳокимият органларига хабар бергунга қадар давом этади.
ЖК 155¹-моддасининг иккинчи қисмида террорчилик хусусиятига эга жиноятларга нисбатан қайд этилган қилмиш одам ўлишига ёки бошқа оғир оқибатларнинг келиб чиқишига сабаб бўлганлиги учун жазони оғирлаштирувчи ҳолат сифатида белгиланган.
Жиноятнинг субъектив томони айбнинг қасддан содир этилиши билан тафсифланади.
Жиноят субъекти 16 ёшга етган ақли расо жисмоний шахс ҳисобланади.
9.ТЕРРОРЧИЛИК ФАОЛИЯТИНИ АМАЛГА ОШИРИШ МАҚСАДИДА ЎҚУВДАН ЎТИШ, ЧИҚИШ ЁКИ ҲАРАКАТЛАНИШ
Террорчилик фаолиятини амалга ошириш мақсадида ўқувдан ўтишнинг бевосита обекти тинчлик ва инсоният хавфсилигини таъминловчи ижтимоий муносабатлардир.
Обектив томондан ушбу модданинг биринчи қисми диспозициясида назарда тутилган мақсадларда ўтказилаётганлиги ўзи учун аён бўлган ўқувдан ўтиш орқали содир этилади.
Бунда шахснинг ўзи учун аён бўлган ўқувдан ўтиш деганда, шахснинг ўтказилаётган ўқувнинг террорчилик фаолиятини амалга ошириш ёхуд ЖКнинг 155, 158, 159, 161, 242, 245, 254, 2551 ва (ёки) 264-моддаларида назарда тутилган жиноятлардан бирини содир этиш мақсадида ўтказилаётганлигини англаши назарда тутилади.