Тинчлик ва инсоният хавфсизлигига қарши жиноятлар урушни тарғиб қилиш

Субъектив томондан қасддан содир этилади.
ЖКнинг 154-моддасида назарда тутилган жиноятнинг асосий белгиси бўлиб моддий раҳбат ёки шахсий фойда олиш мақсади хизмат қилади.
Жиноят субъекти 16 ёшга етган ақли расо, жисмоний шахс ҳисобланади.
ЖКнинг 154-моддаси 2-қисмида назарда тутилган жиноят, мансабдор шахс томонидан ўз ваколатини суистеъмол қилиш йўли билан амалга оширилса (масалан, пул-маблағ ва моддий ресурсларни бошқариш ваколатини суистеъмол қилиш) содир этилган ҳаракатни жиноят хусусиятига кўра ЖКнинг 154-моддаси ҳамда ЖКнинг 205-моддаси (Ҳокимият ёки мансаб ваколатини суистеъмол қилиш) тегишли қисми билан квалификация қилинади.
6.ҲАРБИЙ ХИЗМАТГА, ХАВФСИЗЛИК ОРГАНЛАРИГА, ПОЛИЦИЯГА, ҲАРБИЙ АДЛИЯГА ВА БОШҚА ШУ КАБИ ХОРИЖИЙ ДАВЛАТ ТАШКИЛОТЛАРИГА КИРИШ.
ЖКнинг 154¹-моддасида назарда тутилган жиноятнинг бевосита объекти давлатларнинг хавфсизлиги ва осойишта ҳаётини таъминловчи, уларнинг ривожланиши ва ҳаётий фаолияти шароитларини таъминловчи ижтимоий муносабатлардир.
Факултатив объект сифатида бу ерда Ўзбекистон Республикасининг суверенитети, ташқи хавфсизлиги, обруйи хизмат қилади.
ЖКнинг 154¹-моддаси 1-қисмида назарда тутилган жиноят объектив томондан Ўзбекистон Республикаси фуқаросининг ҳарбий хизматга, хавфсизлик органларига, полицияга, ҳарбий адлияга ва бошқа шу каби хорижий давлат ташкилотларига киришда ифодаланади.
Кўрилаётган жиноятда хизматга кириш шахснинг Қуролли Кучлар таркибига, ҳарбий хизматга, хавфсизлик органларига, полицияга, ҳарбий адлияга ва бошқа шу каби хорижий давлат ташкилотларига аъзо бўлиши учун амалга оширилган саъй-ҳаракатлар тизимини билдиради.
ЖКнинг 154¹-моддаси 1-қисмида назарда тутилган жиноят айбдорнинг Қуролли Кучлар таркибига ҳарбий хизматга, хавфсизлик органларига, полицияга, ҳарбий адлияга ва бошқа шу каби хорижий давлат ташкилотларига қабул қилинганлиги ҳақидаги буйрукнинг чикарилиши, маълумотнтнг олиниши, буйрукнинг имзоланиши (ва бошқа куринишдаги хужжатлар) вақтидан бошлаб тамомлаган деб ҳисобланади.
ЖКнинг 154¹-моддаси 2-қисмида назарда тутилган жиноятнинг объектив томони Ўзбекистон Республикаси фуқаросини ҳарбий хизматга, хавфсизлик органларига, полицияга, ҳарбий адлияга ва бошқа шу каби хорижий давлат ташкилотларига ёллашда намоён бўлади.
Ўзбекистон Респуликаси фуқаросининг хорижий давлат хавфсизлик органларида полиция ва шу каби жойларда хизмат қилиши шартларини келишиш вақтидан бошлаб берилган жиноят тамомланган деб топилади.