Tilshunoslikka kirish fanining predmeti

 
MAVZUGA  OID  ASOSIY  MASALALAR  BAYONI 
 
 
Fonetika  grekcha  “phone”  so’zidan  kelib  chiqqan.  Tilshunoslikda  tilning 
tovushlar tizimi haqidagi fan  FONETIKA deb yuritiladi.  
 
Nutq  tovushlari  inson  a’zolarining  harakati  natijasida  vujudga  keladi, yani 
o’pkadan  chiqayotgan  havo  tovush  paychalarini  tebratib,  bo’g’iz,  og’iz yoki burun 
bo’shlig’ida    turli  shaklga  kiradi,  havoda  to’lqin  hosil  qiladi.  Agar  ushbu  to’lqin 
qulog’imizga yetib borsa biz uni nutq tovushi sifatida eshitamiz. 
 
Tovushlarning nutq organlari vositasida hosil qilinishi masalasi bilan  FISI-
OLOGIYA  shug’ullanadi.  Nutq  organlarining  faoliyati  natijasida  hosil  bo’lgan 
to’lqinlarning  xususiyatlari  masalasi  bilan  fizika  fanining  tarmog’i  AKUSTIKA 
shug’ullanadi.  Hosil  bo’lgan  tovushlar  lingvistik  ma’noga  ega  bo’lishi  yoki 
bo’lmasligi  mumkin.  Tovushning  ma’no  ajratish  funksiyasini  tilshunoslikning  tar-
mog’i bo’lgan FONOLOGIYA o’rganadi.