Tilshunoslik kafedrasi ismoilova gulhayoning

 

2 

           

 

 

O’ZBEKISTON RESPUBLIKASI OLIY VA O‘RTA MAXSUS TA’LIM 

VAZIRLIGI 

ANDIJON DAVLAT UNIVERSITETI 

FILOLOGIYА FAKULTETI 

TILSHUNOSLIK KAFEDRASI 

 

ISMOILOVA GULHAYONING 

 

SO‘Z MA’NOLARINING KO‘CHISH USULLARI 

 MAVZUSIDAGI BITIRUV MALAKAVIY ISHI 

 

 

 

 

Ilmiy rahbar: 

G.QOBULJONOVA 

 

 

 

 

Andijon – 2014 

 

 

3 

 

MUNDARIJA 

 

Ishning umumiy tavsifi……………………………………………………3 

 

1. So‘z va uning ma’noviy tuzilisi………………………………………… 

1.1. So‘z va uning mohiyati…………………………………………………...5 

1.2.Leksik ma’no va uning  tuzilishi………………………………………….9 

1.3. Leksik ma’noning taraqqiyot yo‘llari…………………………………...14 

 

2. So‘z ma’nosining ko‘chishi va uning asosiy turlari  

2.1. Metafora asosida nom ko’chishi ……………………..............................22 

2.2. Metonimiya usulida  nom ko’chishi……………………...…………….38 

2.3. Sinekdoha usulida nom ko’chishi ……………………..........................44 

2.4. Vazifadoshlik asosida nom  ko‘chishi ……………………....................45 

 

 

Xulosa……………………...……………………...…………………….......49 

Foydalanilgan adabiyotlar ro‘yxati……………………...……………...52 

  

 

 

 

 

 

 

 

 

 

 

 

4 

 

Kirish 

 

Mavzuning  dolzarbligi.  Til  bevosita  ajdodlardan  avlodlarga  o’tib 

kelayotgan  ma’naviy  meros,  bebaho  boylik  hisoblanadi.Shuning  uchun 

prezidentimiz  I.A.Karimov  “uni  boyitish,asrab-avaylash,  nufuzini  yanada 

oshirish uchun doimo izlanishlar,tadqiqotlar olib borish zarur” ligini ta’kidlab 

o’tgan.

1

 

Ma’lumki, leksema – tilning asosiy birligi sifatida bizni qurshab turgan 

olam  unsurlarini  nomlash  uchun  xizmat  qiladi.    Leksema    nomlash  vazifasi 

bilan  chegaralanib  qolmasdan,  olam  haqidagi  bilimlarimizni  kelajak 

avlodlarga  yetkazish,  anglash,  tinglovchiga  ta’sir  etish  kabi  vazifalarni  ham 

bajaradi. Bu esa so‘zning naqadar serqirra hodisa ekanligidan dalolat beradi. 

So‘zlar  dastlab  paydo  bo‘lganda  biror  bir  predmet,  harakat,  holat  yoki 

miqdor  haqidagi  tushunchalarni  ifodalash  uchun paydo  bo‘ladi.  Keyinchalik 

til  taraqqiyoti  natijasida  so‘zning  ma’nolari  taraqqiy  etib  boradi  va  natijada 

so‘zlar  asl-real  ma’nosidan  tashqari  ko‘chma  ma’nolarni  ham  anglatadi. 

Ko‘chma  ma’nolar  tildagi  so‘zlarning  to‘g‘ri  ma’nosi    negizida  vujudga 

keladi.  

O‘zbek  va  jahon  tilshunosligida  so‘z  va  uning  ma’nolari  xususida 

ko‘plab ilmiy-nazariy qarashlar mavjud bo‘lib, unda so‘z ma’nolaring o‘ziga 

xosligi,  mohiyati,  turlari,  xususan,  so‘z  ma’nolarining  ko‘chishiga 

bag‘ishlangan ilmiy tadqiqotlar maydonga kelgan. Ularni o‘rganish va tadqiq 

etish mavzuning dolzarbligini belgilaydi. 

BMIning  maqsad  va  vazifalari:  Mazkur  bitiruv  malakaviy  ishning 

asosiy  maqsadi,  o‘zbek  va  jahon  tilshunosligida  so‘z  ma’nolarining 

ko‘chishiga  bag‘ishlangan  ilmiy-tadqiqotlarni  o‘rganish,  va  tahlil  etishdan 

                                                   

1

 

Каримов И.А. Юксак маънавият – енгилмас куч. –Т.: Маънавият, 2008, 86-б. 

 

5 

iborat.  Ana shu    maqsaddan  kelib  chiqib, tadqiqot  oldiga quyidagi  vazifalar 

qo‘yildi. 

-o‘zbek  va  dunyo  tilshunosligida  so‘z  ma’nolari,  xususan,  ko‘chma 

ma’nolarga bag‘ishlangan ilmiy adabiyotlarni to‘plash va o‘rganish; 

-so‘z  ma’nosining  ko‘chish  usullari  haqidagi  ilmiy-nazariy  qarashlarni 

tahlil etish; 

-ko‘chma ma’nolar va ularning turlari, tasnifi muammolarini o‘rganish; 

- BMIning mazmunini to‘la yoritish va tegishli xulosalar chiqarish. 

BMIning 

metodologik 

asosi. 

Ishning 

metodologik 

asosini 

dialektikaning  umumiylik-xususiylik,  butun-bo‘lak,  mohiyat-hodisa  kabi 

hodisalarini aks ettiruvchi ta’limot shuningdek, tilshunos olimlarning nazariy 

qarashlari,  g‘oyalari  tashkil  etadi.  Ishda  tavsiflash,  qiyoslash, tahlillash  kabi 

usullardan keng foydalanildi. 

BMIning  tuzilishi.  Bitiruv  malakaviy  ishi  ishning  umumiy  tavsifi, 

kirish, ikki bob, xulosa va foydalanilgan adabiyotlar ro‘yxatidan ibora. 

 

 

 

 

 

 

 

 

 

 

 

 

 

 

6 

 

1. So‘z va uning ma’noviy tuzilishi  

1 §. So‘z va uning mohiyati  

So‘z  o‘z  tovush  qobig‘iga  ega  bo‘lgan,  ob’ektiv  narsa-hodisalar 

ҳaqidagi  tushunchani,  ular  o‘rtasidagi  aloqani  yoki  ularga  munosabatni 

ifodalay oladigan, turli grammatik ma’no va funksiyalarda qo‘llanadigan eng 

kichik asosiy til (nutq) birligi.

1

 

So‘z  tovush  tomoni  bilan  fonetikaning;  leksik  birlik  (leksema) 

sifatida  leksikologiyaning;  turli  grammatik  ma’nolarni  ifodalashi  va  shu 

ma’nolarni  ifodalovchi  formalarga  egaligi  bilan  morfologiyaning;  so‘z 

birikmasi  va  gap  qurilishida  material  asos  bo‘lib  xizmat  qilishi  bilan 

sintaksisning  o‘rganish  ob’yekti  hisoblanadi.  Demak,  so‘z  grammatik 

qurilishining  bazasi  bo‘lib,  u  tilning  leksikasida  ham,  grammatikasida  ham 

eng asosiy birlik sanaladi. 

So‘z  ob’yektiv  borliqdagi  predmet  yoki  hodisalar  haqidagi 

tushunchaning tovush vositasida ifodalanishidir. Bu tushuncha predmet yoki 

hodisaning  ongda  aks  etishidir.  So‘z  vositasida  borliqning  turli 

tomonlari, kishilik jamiyatining, insonning turmush tajribalari aks ettiriladi. 

So‘z  ma’no  ifodalash  bilan  birga,  turli  emotsiyalarni,  his-tuyg‘ularni  ham 

ifodalaydi.  So‘z  yakka  holda  bildirgan  ma’nosidan  tashqari,  qo‘llanishida, 

nutq  ichida,  ko‘chgan  ma’noda  ishlatilishi,  emotsional  bo’yoqqa  ega 

bo‘lishi  ham  mumkin.  Masalan,  bolam  so‘zi  o‘rniga  qo‘zichog‘im, 

toychog‘im yoki bo‘tam, bo‘talog‘im deyish; jo‘ja birday jon (bolasi ko‘p); 

bu  bola  sher  (qo‘rqmas);  zurriyod  (farzand)  kabi  qo‘llanishlar;  otajon, 

bolaginam,  jonim  otam  so‘zlarining  ma’nosi  turli  yo‘llar  bilan 

ifodalangan.  Bundan  ko‘rinadiki,  so‘z  ma’nosi  butun  bir  sistema  bo‘lib,  u 

qo‘shimcha ma’nolarini ham, emotsional-stilistik ottenkalarni ham o‘z ichiga 

                                                   

1

 

Ҳожиев А. Лингвистик терминларининг изоҳли луғати. -Т., 1985, 81–б. 

 

7 

oladi.  Bu  hodisa  so‘zning  ma’no  strukturasi  deyiladi.  So‘zning  semantik 

strukturasi  shu  so‘z  ifodalaydigan  ma’nolarning  yig‘indisi,  so‘zning 

butun ma’no sistemasidir.

1

 

So‘zning  tushuncha  va  emotsiyalarni  tovush  vositasi  bilan  ifodalashi 

unda  fonetik  tomonning  mavjudligini  ko‘rsatadi.  Bu  so‘zning  material 

tomonidir.  Tovushning  yolg‘iz  o‘zi  so‘zni  tashkil  qilmaydi.  So‘z  esa 

ma’nosiz  bo‘lmaydi.  So‘zning  ma’nosi  esa  tovush  kompleksi  orqali 

ifodalanadi. Demakki, so‘z ma’no va tovushning - ichki (semantik) va tashqi 

(formal)  tomonlarning  ajralmas  birligidan  iborat.  Shu  bilan  birga,  so‘z 

ma’lum  grammatik  xususiyatlarga  ham  ega.  Tovushlar  ma’lum  grammatik 

xususiyat  ifodalab,  shu  bilan  birga,  so‘zning  grammatik  shakllanishini  ham 

ko‘rsatadi. 

So‘zning semantik strukturasini o‘rganishda asosan uch usul mavjud: 

a)  so‘zning  semantik  strukturasi  uning  morfemik  yasalishi  bilan 

bog‘liq holda tekshiriladi; 

b)  so‘zning  semantik  strukturasi  uning  sintaktik  ishlatilishi 

bilan bog‘liq holda tekshiriladi; 

v)  so‘zning  semantik  strukturasini  alohida,  tilning  shu  so‘zni  o‘z 

ichiga olgan leksik-semantik guruh doirasida tekshiradi. 

Tilga belgilar sistemasi sifatida qarash natijasida paydo bo‘lgan semiotik 

yo‘nalish  birlamchi  (so‘z  va  so‘z  birikmalari)  va  ikkilamchi  (fraza  va 

gaplar)  belgilarini  farqlaydi.  Ularning  birlamchilari  -  nominativ,  ya’ni  biror 

narsani  nomlash,  atash  va  ikkilamchilari  -  predikativ,  ya’ni  fraza  va  gaplar 

tarkibidagi  ishlatilish  funksiyasi  deb  yuritiladi.  Nominativ  belgilar 

tildagi  paradigmatik  aloqalarga  asoslansa,  predikativ  belgilar  esa 

sintagmatika,  ya’ni  fraza  va  gaplarning  nutqda  ishlatilish  tomoniga 

                                                   

1

 Ўзбек тили грамматикаси. I том. Морфология. –Т., 1975, 16–бет. 

 

8 

asoslanadi.

1

 

Ko‘rinadiki,  tilning  leksika  va  semantikasini  o‘rganishda  ikki 

yo‘nalish  mavjud  bo‘lib,  ularning  birinchisi  faqat  leksik-semantik 

xususiyatlar  bilan  ish  ko‘rsa,  ikkinchi  yo‘nalish  esa  tilning  belgilar 

yig‘indisi (semiotik sistema) ekanligiga asoslanadi. Lekin har ikki qarashning 

ham  ob’yekti  va  vazifalari  bir-biri  bilan  bog‘liqdir.  So‘zning  semantik 

strukturasi  so‘zlashuv  situatsiyasida  yoki  kontekstda  kengroq  ochiladi. 

So‘zning  farqlanish  alomatlari  sema  deb  ataladi.  Leksik  qatlamda 

semantemaga 

leksema 

to‘g‘ri 

keladi. 

Semalar 

fonologiyadagi 

fonemalarning  farqlanish  belgilariga  o‘xshaydi.  Farqi  shuki,  semalar 

o‘rtasidagi munosabat m’ano bilan aloqadordir. Semantikada qaysi ma’nolar 

semalarga tegishli va qaysilari ularga tegishli emasligi aniq emas. Bunda bir-

biriga  yaqin  ma’nolar,  yani  semalar  sinonimik  ma’nolar  sifatida  qaralishi 

ma’lum bir aniqlikka asoslanadi. 

So‘z  tilning  eng  asosiy  va  markaziy  birligi  bo‘lib,  an’anaviy  jihatdan 

aytilishi  va  ma’no  birligi,  tilshunoslar  tomonidan  haqiqiy  va  formal 

ma’nolar,  formal  va  semantik  ma’nolar,  grammatik  va  leksik 

ma’nolarning 

qarama-qarshiligi 

sifatida 

qarab 

kelinadi. 

So‘zlarga 

belgilarning  bir-biriga  aloqasi  jihatdan  qaralsa,  uning  ikki  tomoni  -formasi 

(aytilishi)  va  mazmuni  (ma’nosi)  o‘rtasidagi  aloqa  kengroq  ochiladi. 

So‘zning semantik jihatidan ikki tomonlama birlik ekanligi tashqi (predmet 

qatori)  va  ichki  (tilning  qurilishi)  tomonini  ko‘rsatadi.  Shuning  uchun  ham 

so‘z tilda ikki planda namoyon bo‘ladi: 

a) nominatsiya,  ya’ni  atash  birligi  sifatida  ma’lum  leksik  ma’noga 

ega bo‘lgan lug‘atning elementi; 

b)  til  qurilishi  strukturasining  negizi  sifatida  ma’lum  morfologik 

shakllanishga, ya’ni grammatik ma’noga ega bo‘lgan birlik hisoblanadi. 

                                                   

1

 

Баскаков Н.А., Содиқов А.С., Абдуазизов А.А. Умумий тилшунослик. -Т., 1979, 100–бет. 

 

9 

So‘zning talaffuz tomoni ham nazarda tutilsa, yuqoridagi ikki plani bilan 

bir  qatorda  fonologik  strukturasi  bilan  ham  alohida  birlik  hisoblanadi.  Shu 

tufayli "fonologik so‘z", "morfologik so‘z", "semantik so‘z", tushuncha va 

terminlari  farqlanib,  ularning  har  biri  alohida  til  sathida  o‘rganiladi. 

So‘zlarning nutqda ishlatilishi ularning tanlanishi, yani boshqa so‘zlar bilan 

semantik  aloqasi  va  ma’lum  so‘zlarning  boshqa  so‘zlar  bilan  ma’no 

jihatdan  birikish  qobiliyatiga  bog‘liq.  So‘zlarning  tanlanishi  ularning 

ma’lum  leksik-semantik  paradigmalarga  u  yoki  bu  semantik  belgilari 

(semalari) asosida birlashuvi deb qaraladi. 

So‘zlarning      tanlanish      jihati      va      ular      o‘rtasidagi      semantik 

munosabatlar paradigmatik aloqalar deb yuritiladi. 

So‘zlar  real  borliqni  aks  ettiruvchi  sifatida  bir-birlari  bilan 

bog‘lanadilar va tematik guruhlarga birlashadi. Masalan, qush nomlari, meva 

daraxtlari  guruhi  v.b.  So‘zlar  o‘rtasidagi  ichki  ma’no  farqlanishi  bilan 

bog’liq  bo‘lgan  paradigmatik  va  sintagmatik  munosabatlar  omonimiya, 

polisemiya,  sinonimiya,  antonimiya  va  boshqa  hodisalarni,  so‘zlarning 

leksik-  semantik  variantlarini  tasnif  qilish  borasida  kengroq  ochiladi. 

So‘zning mazmun komponentlari    o‘rtasidagi bog‘lanish va so‘zlarning 

ma’nolari  orasidagi munosabatlar ularning nutqda ishlatilishini o‘rganish 

orqali aniqlanadi. 

Tilda so‘z  va  leksema  atamalari  ko‘p  hollarda  aralash holda qo‘llanadi. 

Lekin  ular  bir-biridan  farq  qiladi.  Leksema  –  jamiyat  a’zolari  uchun 

tayyor,umumiy,majburiy bo’lgan, shakl va mazmunning barqaror birikuvidan 

tashkil  topgan,  voqelikdagi  narsa,  belgi,  xususiyat  va  munosabatlarni 

shakllantiruvchi,  nutq  va  lug’atda  grammatik  morfemalarni  o’ziga  biriktira 

oladigan  morfema  turidir

1

.      Leksema  semema  va  nomemalarning  o‘zaro 

munosabatidan tashkil topgan butunlik sanalib, uning mazmuniy mundarijasi 

                                                   

1

 

Неъматов Ҳ.РасуловҲ.Ўзбек тили систем лексикологияси асослари.T.:Ўқитувчи,1995,37-bet.) 

 

10 

atash,  ifoda  va  vazifaviy  semalar  munosabatidan  iborat.  Har  qanday 

leksemada  bu  semalardan  "atash"  semasi,  albatta,  ishtirok  etadi.  Shuning 

uchun  bu  sema  leksemaning  markaziy  semasi,  qolgan  semalar  esa  chegara 

semalar  hisoblanadi.  Masalan,  so‘zlamoq,  do‘ngillamoq  leksemalari  bir  xil 

atash semasiga ega bo‘lib, ifoda semasi bilan bir-biridan farq qiladi. 

So‘z atamasi leksemalardan boshqa birliklarni ham, ya’ni atash semasiga 

ega bo‘lmagan birliklarni ham o‘z ichiga oladi

1

. Masalan, ammo, uchun so‘z, 

lekin  leksema  emas,  chunki  ularning  atash  semasi  mavjud  emas,  faqat 

grammatik  ma’noga  ega.  Demak,  so‘z  grammatik  ma’noga  ega 

bo‘lgan  leksemalarni  va  yordamchi,  undov,  modal  nomlari  bilan 

yuritiluvchi birliklarni ham o‘z ichiga oladi. 

Leksema leksik sath birligi sanaladi. U grammatik ma’no va bu ma’noni 

ifodalovchi shaklga ega bo‘lib, so‘zga ya’ni, morfologik birlikka aylanadi. 

Masalan,  daraxt  shoxlanuvchi  ko‘p  yillik  o‘simlik,  atash  semasiga  ega 

bo‘lishi  bilan  leksema.  Bu  leksema,  "ot",  "bosh  kelishik",  "birlik", 

semalariga  va  bu  semalarni  ifodalovchi  shakllarga  ega  bo‘lishi  bilan 

so‘zga, morfologik birlikka aylanadi.

2

 

 

2–§. Leksik ma’no va uning tuzilishi  

Leksik ma’no haqida tilshunoslikda turli xil qarashlar mavjud.Masalan,” 

So’zning  ob’yektiv  borliqdagi  narsa,belgi,  harakat  kabilar  haqidagi 

ma’lumoti  leksik  ma’no  deyiladi.(“Hozirgi  o’zbek  adabiy  tili”),  “  So’zning 

ob’yektiv  borliqdagi  narsa,hodisa,harakat,belgi  va  shu  kabilar  haqida 

ma’lumot  beruvchi(tasavvur  beruvchi)  mazmuni  leksik  ma’no  deyiladi( 

O’zbek tili leksikologiyasi), “ So’zning material qismi(leksema) bildiradigan 

ma’no:  ma’lum  tovush  kompleksini  ma’lum  obyektiv  voqelikka  bog’lash 

                                                   

1

 

Нурмонов А., Искандарова Ш.Тилшунослик назарияси. T.: Фан,2008,66-бет. 

2

 

Нурмонов А., Искандарова Ш. Умумий тилшунослик. -Андижон, 2007, 80–бет. 

 

11 

bilan  kishi  ongida  yuzaga  keladigan  mazmun  –  mundarija  leksik  ma’no 

deyiladi”  (Tilshunoslik  terminlarining  izohli  lug’ati).Professor  A.Nurmonov 

esa  ana  shu  qarashlarni  umumlashtirgan  holda  “  Leksik  ma’no  ongda 

predmet,  hodisa,  xususiyat,muayyan  jarayon  va  shu  kabilar  haqidagi 

tushunchalarni  aks  ettiruvchi  va  unga  bog’lovchi  hamda  so’zlovchining 

subyektiv  munosabatini  ifodalovchi  so’z  mazmuni(mundarijasi)  deb 

hisoblaydi.(  Tilshunoslik  nazariyasi)  So‘z  paydo  bo‘lishidayoq  o‘z  tovush 

qobig‘iga va ma’lum bir ma’noga ega bo‘ladi. Lekin so‘zlar ifodalaydigan 

ma’nolar  eng  umumiy  belgi-xususiyatlariga  ko‘ra  har  xil  bo‘ladi  va  bu 

jihatdan so‘z ma’lum guruhlarga ajraladi. 

Avvalo, so‘zlar obektiv borliqdagi narsa-hodisa, belgi, harakat kabilarni 

bildira  olish  xususiyatiga  ega  yoki  ega  emasligiga  ko‘ra  ikki  guruhga 

ajraladi: 

tushuncha 

ifodalaydigan 

so‘zlar 

va 

tushuncha 

ifodalamaydigan  so‘zlar.  Tushuncha  ifodalash  faqat  mustaqil  so‘zlarga  xos 

xususiyatdir.  Masalan, kitob, yozmoq,  katta so‘zlari ma’lum  ob’yektiv narsa, 

harakat, belgi haqidagi tushunchani ifodalaydi. 

Mustaqil  so‘z  turkumlaridan  boshqa  turkumlarga  oid  so‘zlar  tushuncha 

ifodalamaydi.  Masalan,  undovlar  so‘zlarning  turli  xil  emotsiyasini 

bildiradi;  modal  so‘z  va  yuklamalar  fikrning  borliqqa  bo‘lgan 

munosabatini ifodalaydi. 

Xullas,  ma’noning  obyektiv  voqelikdagi  narsa-hodisa,  belgi,  harakat 

kabilarga  munosabati  nuqtai  nazaridan  tildagi  so‘zlarning  qiymati  bir  xil 

darajada emas. 

So‘zning  mazmuniy  tuzilishi  leksik  ma’no  va  shu  leksik  ma’noga 

qo‘shimcha tarzidagi ottenkalardan iborat bo‘ladi. 

So‘zning ob’ektiv borliqdagi narsa-hodisa, harakat, belgi va shu kabilar 

haqidagi ma’lumot beruvchi mazmuni leksik ma’no deyiladi.

1

 

                                                   

1

 Ўзбек тили лексикологияси. -Т., 1983, 205–бет. 

 

12 

So‘zlar  o‘z  ma’nosi  bilan  ob’yektiv  borliqdagi  narsa,  harakat,  belgi 

kabilarning  konkret  o‘zini  emas,  balki  ular  haqidagi  tushunchani 

ifodalaydi.  Tushuncha  ob’yektiv  borliqdagi  narsa-hodisalarning  kishi 

ongida  umumlashgan  holdagi  in’ikosidir.  Narsa-hodisa  haqidagi  tushuncha 

shu  turdagi  narsa-hodisalarga  xos  umumiy  belgilarni  birlashtiradi. 

Ko‘rinadiki, leksik ma’no bilan tushuncha o‘rtasida umumiylik bor. 

So‘zlar  o‘ziga  xos  fonetik,  so‘z  yasalish,  morfologik  strukturaga  ega 

bo‘lgani  kabi  o‘ziga  xos  semantik  strukturaga  ham  ega  bo‘ladi.  So‘zning 

semantik strukturasiga kiruvchi leksik ma’no ham ma’lum komponentlardan 

tashkil topadi. Bunday komponentlar sema deb ataladi. Ba’zan leksik ma’no 

strukturasi bilan so‘zning semantik strukturasini bir xil hodisa sifatida qarash 

hollarini  uchratish  mumkin.  Lekin  ular  farqli  hodisalardir.  Leksik  ma’no 

so‘zning semantik strukturasidagi komponentlardan hisoblanadi. 

Leksik  ma’noni  uning  semalari  asosida  tahlil  etishga  keyingi 

vaqtlarda  alohida  e’tibor  berila  boshladi.  Sememaning  semalarini  to‘g‘ri 

belgilash  m’ano  jihatdan  o‘zaro  qandaydir  aloqasi  bo‘lgan  so‘zlar 

munosabatini,  ,shuningdek,  ko‘p  ma’noli  so‘zlar  semalarini  to‘g‘ri 

belgilashga  imkon  beradi.  Chunki  o‘zaro  qandaydir  aloqasi  bo‘lgan 

semalarda  ulardan  har  biriga  xos  bo‘lgan,  shuningdek,  umumiy  bo‘lgan 

semalar  mavjud  bo‘ladi.  Masalan,  polisemantik  so‘zlarda  uning  semalari 

uchun umumiy bo‘lgan va semalarning o‘ziga xos bo‘lgan semalari bo‘ladi. 

Ana shu semalarni aniq belgilash polisemantik leksemalar sememalarining, 

shu bilan birga, polisemantik so‘z bilan omonimni to‘g‘ri farqlashga imkon 

beradi. 

So‘zning  leksik  ma’nosiga  turli  nuqtai  nazardan  yondashiladi  va  shu 

asosda  leksik  ma’no  tiplarga  ajratilib  maxsus  nomlar  bilan  ataladi.  Lekin 

tiplarga ajratishdagi nuqtai nazar turlicha bo‘lganidan leksik ma’no turlariga 

ajratishda har xilliklar bor. Lingvistik adabiyotlarda leksik ma’noga nisbatan 

 

13 

etimologik  ma’no,  bosh  ma’no,  yasama  ma’no,  asos  ma’no,  hosila  ma’no, 

nominativ  ma’no,  figural  ma’no,  erkin  ma’no,  bog‘li  ma’no  kabi 

terminlarning qo‘llanishi leksik ma’noga turli nuqtai nazardan yondashish va 

uning tiplarini har xil tushunish natijasidir. 

Leksik      ma’noga      sinxronik      planda      qaralganda,      ya’ni      tiplarga 

ajratishda  hozirgi  tilga  oid  leksik  ma’no  ko‘zda  tutiladi  unga  quyidagi 

jihatlardan yondashish kerak bo‘ladi:  

1) yasalish munosabatiga ko‘ra; 

2) ob’yektni  ifoda etishiga ko‘ra; 

3) nutqda reallashish holatiga ko‘ra. 

Yasalish  munosabatiga  ko‘ra  leksik  ma’no  ikki  turga  bo‘linadi:  asos 

ma’no va yasama ma’no. 

U  yoki  bu  ma’noning  yuzaga  kelishida  asos  bo‘ladigan  ma’no  asos 

ma’no,  uning  ta’sirida  hosil  bo‘lgan  ma’no  yasama  ma’no  hisoblanadi. 

Masalan,  tugun  so‘zining  quyidagi  birinchi  gapdagi  ma’nosi  asos  ma’no, 

ikkinchi gapdagi ma’nosi esa yasama ma’nodir: 

1. Devona belbog‘ining tuguniga astoydil yopishgan. 

2. Adolat boshidagi tugunni, orqasidagi qapchig‘ini yerga qo‘ydi. 

Yasalish munosabatiga ko‘ra leksik ma’no ikki turga ajratilar ekan, o‘z-

o‘zidan,  bunda  birdan  ortiq  ma‘noning  o‘zaro  munosabati  yotadi.  Demak, 

leksik  ma’noni  bunday  tiplarga  ajratish  va  nomlash  polisemantik  so‘z 

ma’nolari  uchun  xarakterli.  Bir  ma’noli  so‘zlarda  leksik  ma’noning  bunday 

tiplari bo‘lmaydi. 

Ob’yektni qay tarzda ifodalashiga ko‘ra leksik ma’no ikki turga bo‘linadi: 

1.Nominativ m’ano; 

2.Figural ma’no. 

Nominativ ma’no narsa, belgi, harakat haqidagi bevosita ma’lumot, ular 

bilan bevosita bog‘lanadigan ma’nodir. 

 

14 

Figural  ma’no  esa  predmet,  belgi  yoki  harakat  bilan  bevosita 

bog‘lanmaydi,  ya’ni  so‘z  figural  ma’nosi  bilan  predmet,  belgi  yoki 

harakatning  nomiga  aylangan  bo‘lmaydi,  figural  ma’no  nominativ  ma’no 

orqali predmet, belgi, harakat bilan bog’lanadi: