Tilingni avayla

  

MEHMON KUTISH ODOBI  

  

       Mehmondo’stlik  ajoyib  xislat  bo’lib,  odamlar  o’rtasidagi  do’stlik,  birodarlik 

rishtalarini mustahkamlashga xizmat qiladi.  

       O’zbek  xalqi:  "Mehmonxonang  tor  bo’lsa  ham  mehru  diling  keng 

bo’lsin",deyishadi.  

        Mehmon tashrifi turlicha bo’ladi. Sog’inib, ataylab kelish, yo’l tushish tufayli 

oqibat  yuzasidan  tashrif  yoxud  biror  ehtiyoj    sabab.  Har  qanday  holatda  ham  o’z 

nomi bilan  mehmon.   

        Mehmon ehtiyoj yuzasidan kelgan bo’lsa, uni ortiqcha savollar bilan qiynamay, 

buni aytishga imkon berish kerak. Gaplarini diqqat bilan tinglagach, uni xijolatga 

qo’ymay,  so’raganini  berishga  yoki  iltimosini  bajarishga  harakat  qilish  kerak. 

Paysalga  solmay  dasturxon  tuzash  va  uydagi  eng  yaxshi  ne'matlarni  dasturxonga 

tortish 

zarur. 

Mehmonni 

ovqatlanish 

uchun 

ortiqcha 

majburlamay, 

mehmondorchilikni  ovqat pishirish bellashuviga aylantirmaslik kerak. Shirin suhbat 

qurib, oila a’zolari bilan yaqindan tanishtirish lozim.  

        Mehmonning o’zi dasturxonni yig’ish taklifini bermaguncha dasturxon 

yig’ishtirilmaydi. O’z navbatida uy egasining vaqtini olmaslik, nafsi ochlik qilib 

ko’p yemaslik, mezbon ko’rsatgan joyga o’tirish, uni xijolatga qo’ymaslik, 

ziyofatdan so’ng xonadon sohibining haqqiga duo qilish mehmonning burchi 

hisoblanadi.  

  

                     ( 

"Etiketning 

oltin 

kitobi"dan)         Topshiriqlar:  

1.  Matn mazmunini so`zlab bering.  

2.  Matn rejasini tuzing.  

3.  Mehmon kutish odobi haqida o`z fikringiz va matn mazmuni   asosida 

bayon yozing.