Tilingni avayla

VIJDON  

  

         Burch  tuyg’usi  hamda  pushaymon  bilan  bog’liq  vijdon  iztirobi  odam  bilan 

hayvon orasidagi muhim tafovutdir  Aql va vijdonni o’z huquqlaridan mahrum etib 

bo’lmaydi. Ularga yolg’onlash mumkinu, ammo ularni aldash qiyin. Sof vijdon eng 

odil hakamdir. Aldamchilik, bezbetlik, nomussizlik jandasini kiygan kimsagina o’z 

vijdoni  hukmidan  qo’rqmaydi.  Vijdon  egasini  o’ldirish  mumkin,  biroq  yengib 

bo’lmaydi.  

         Turli suhbatlarda "vijdoni azob chekdi" degan gaplarni eshitamiz. Vijdon azobi 

deyarli  har  bir  odamni  ozmi-ko’pmi  qiynab  o’tadi.  Vijdonni  donish  ahli  qalbni 

tirnaydigan tirnog’i o’tkir hayvonga o’xshatganlar. Vijdon azobi baxtsizlikdan o’zga 

narsa emas. Vijdonning yaralanishiga odamning o’zi aybdor. O’z irodasiga hokim-

u o’z vijdoniga qul bo’lgan, vijdoni qaytargan narsalardan o’zini tiya olgan odamga  

bu  baxtsizlik  rahna  sololmaydi.  Har  qanday  yara  tuzalishi  mumkin,  biroq  vijdon  

yarasi butunlay bitib ketmaydi."Mening  hech qachon vijdonim qiynalmaydi", deb 

katta ketish  durust emas. Vijdon azobi qo’ldan ketgan fazilatlarning aks-sadosidir. 

O’z aybini unutish esa oriyatsizlikka olib keladi.   

          Vijdon-aqlning qon tomiri, uning urishi bizni doim yaxshi va yomondan voqif 

etib turadi. Vijdonli odam  xavfdan xoli, xiyonat qilguvchi  esa  halokat botqog’ida  

yashaydi.  

                                               (Tohir Malik. "Kelinlar daftariga"risolasidan)  

---

Topshiriqlar:  

1.  Matn mazmunini so`zlab bering.  

2.  Matn rejasini tuzing.  

3.  Vijdon   haqida o`z fikrlaringiz va matn mazmuni                            asosida 

bayon yozing