Tili va adabiyoti universiteti til va adabiyot: ilmiy va amaliy izlanishlar yo

lugʻat boyligi, ma'lum turdagi leksika; 

turkiy xalqlar joylashgan yerlar haqida ma'lumotlar; 

turkiy tillarning guruhlashtirilishi; 

tarixiy fonetika va grammatika haqida ma'lumotlar; 

turkiy she'riyat, folklor haqida ma'lumotlar; 

qiyosiy tilshunoslik haqida ma'lumotlar; 

turkiy ijtimoiy lingvistika asoslari toʻgʻrisida ma'lumotlar va hokazo. 

Shuni alohida qayd etish kerakki, institut olimlari professor S.Mutallibov 

rahbarligida  bu  asarni  oʻzbek  tiliga  oʻgirib,  toʻrt  tomda  nashr  qildirishdi. 

(Toshkent, “Fan” nashriyoti, 1967-yil). Ayni paytda ushbu mavzuda bir qator 

ilmiy  maqolalar  va  risolalar  chop  etilgan.  Oʻzbekiston  Respublikasi  FA 

Sharqshunoslik  instituti  Qoʻlyozmalar  fondida  Mahmud  Qoshgʻariy  ijodiga 

mansub  qoʻlyozmalar  saqlanmoqda.  Mahmud  Koshgʻariy  buyuk  ustoz,  shoir, 

olim,  mutafakkir  sifatida  ardoqlanadi.  Yubileyi  turkologik  tadqiqotlar 

an'analari  rivojlangan  Germaniya  va  Frantsiyada,  Turkiya,  Qozogʻiston, 

Oʻzbekiston,  Qirgʻiziston,  Turkmaniston,  XXRning  Shinjon  Uygʻur  avtonom 

tumanida tantana qilinmoqda. U turkiy olamning buyuk allomasi boʻlib, oradan 

ming yil oʻtsa-da, hamon biz bilan yonma-yon yashamoqda. YUNESKOning fan 

va madaniyat boʻyicha xalqaro tashkiloti Mahmud Qoshgʻariyning 1000 yilligini 

keng  nishonlash  haqida  qaror  qabul  qilgani  bejiz  emas.  Ushbu  lugʻatning 

ahamiyati  shundaki,  Mahmud  Koshgʻariy  soʻzlarni  bevosita  oʻzi  eshitib,  oʻzi 

qayd  etgan.  Shu  sababli  uning  ma’lumotlari  ishonchli.  Bu  haqda  u  shunday 

yozadi: “Men turklar, turkmanlar, oʻgʻuzlar, chigillar, yagʻmolar, qirgʻizlaming 

shaharlarini,  qishloq  va  yaylovlarini  koʻp  yillar  kezib  chiqdim,  lugʻatlarini 

toʻpladim, turli xil xususiyatlarini oʻrganib, aniqlab chiqdim”.