Til va adabiyot fanlari tavsifi

145

umumiy o‘rta ta’limning milliy o‘quv dasturi loyihasi

Tinglangan materialga mos rasm, chizma, belgi va shakllarni tanlash va izohlay olishga oid mashqlar.

Nazorat ishi va tahlili
IV BO‘LIM. KASBIM – FAXRIM

(8 soat)

Men o‘qimoqchi bo‘lgan universitet
Ta’lim, kasb-hunarga oid til birliklari. Matn tarkibida berilgan atamalarni aniqlash, ularning ma’nolari bilan tanishish, atamalar yordamida lug‘at tuzish.
Bog‘langan qo‘shma gap, uni bog‘lovchi vositalar, ular ifodalagan mazmun. Bog‘langan qo‘shma gaplarni hosil qilish va turli vaziyatlarda ularni qo‘llash bilan bog‘liq mashq va topshiriqlar.
Oddiy va adabiy so‘zlashuv uslubi. So‘zlashuv uslubining, asosan, og‘zaki nutq shaklida namoyon bo‘lishi. So‘zlashuv uslubiga xos til birliklari. So‘zlashuv uslubida ohang vositalari, mimika va imo-ishoralarning o‘rni. Adabiy so‘zlashuv uslubida me’yor. Atrofdagilar suhbatini kuzatish va tahlil qilish mashqlari.
Yurtimizdagi universitetlar tarixi, bugunigi kundagi reytingi bilan bog‘liq ma’lumotlar asosida dialogik matn tuzish va suhbatlashish.
O‘zi tanlagan universiteti haqida, nima uchun aynan shu universitetni tanlaganligi bilan bog‘liq fikrlarini matn ko‘rinishida yoza olish, bunda materialni tartiblash va umumlashtirish, fikrlar va argumentlarni daliliy tafsilotlar bilan asoslay olish.

Tavsifnoma yozish.