Til va adabiyot fanlari tavsifi

(10 soat)
Oliy Majlis (parlament, qonun chiqaruvchi organlar)
Qonunchilikka oid atamalar, ularning talaffuzi va imlosi. Qonunchilikka oid atamalarni berilgan matn tarkibidan aniqlash, ular ma’nosini matn mazmuni yordamida izohlash, o‘z izohlarini izohli lug‘at yordamida tekshirish bilan bog‘liq mashq va topshiriqlar.
Nuqtali vergul, uning qo‘llanilishi. Yozma nutqda nuqtali verguldan foydalanishga oid mashq va topshiriqlar.
Rasmiy uslubda berilgan matn tahlili. Matndan ko‘zlangan maqsadni anglay olish, matn qaysi toifadagi o‘quvchiga mo‘ljallanganini, u qanday kontekstda yozilganini bilishga oid mashq va topshiriqlar.
“Olmoshsiz matn” topshirig‘ini bajarish orqali olmoshlarning nutqimizdagi ahamiyati haqida muhokama o‘tkazish.
Mavzu bilan bog‘liq berilgan rasmiy uslubdagi matnni publitsistik uslubdagi matnga aylantirish. Publitsistik uslubga xos til birliklari, ifoda uslubidan foydalana olishga oid mashq va topshiriqlar.
Berilgan mavzuda e’lon yozish. Bunda e’lon yozish qoidalari va kerakli til birliklarini qo‘llash bilan bog‘liq topshiriqlar.