«Тикувчилик ишлаб чи=ариши» йыналиши быйича ы=ув амалиёти

Erkaklar pidjagi kostyumning bir buyumi bo’lib, shim, jilet bilan yoki alohida o’zi loyihalanishi mumkin.

Taqilmasi va bort kengligiga bog’liq holda ular bir bortli va ikki bortli bo’ladi. Ikki bortli pidjaklar borti bir bortliga qaraganda kengroq bichiladi.

Pidjak latskani o’tkir, o’tmas burchakli, yoki oval (doirasimon) bo’lishi mumkin. Bort etak qismi shakli ham to’g’ri burchakli yoki doirasimon bo’ladi.

Bir va ikki bortli pidjaklar yopishgan, nim yopishgan yoki to’g’ri siluetli bo’ladi. Yelka kengligi, ko’krak chizig’i bo’yicha old bo’lak kengligi latskan shakli va kengligi, pidjak uzunligi, tugmalar o’rni, taqilma turi, cho’ntaklar turi va o’rni moda yo’nalishi bilan aniqlab olinadi.

Erkaklar pidjagi uchun klassik, sport, avangard uslubi eng ko’p xarakterlidir. Klassik pidjaklar elementlariga qopqoqli qirqma cho’ntak, listochkali cho’ntak, 2 ta yoki 3 ta tugmali taqilma kiradi. Bunday pidjak ort bo’lagi ikki bo’lakdan iborat bo’lib, o’rta chokda yoki orqada yon chokda shlitsa loyihalanadi.

Klassik pidjak old bo’lagi relef qirqimli (yon bo’lakli) yoki yaxlit qilib loyihalanadi. Texnologik ishlov berish uchun qulayligi, material sarfini tejash va shakl berish nuqtai nazaridan zamonaviy texnologiya va usullarga asosan pidjak old bo’lagini yon qirqimli (relef qirqimli) qilib loyihalash qabul qilingan.

«Avangard» uslubidagi pidjak konstruktiv yechimi bilan klassik pidjaklardan farq qiladi (1-rasm). Yelka chizig’i 0,5 – 2,0 sm ga yelka qirqimi uzaytirilgan old bo’lak 1,5 sm ga ort bo’lak 1 sm ga kengaytirilgan, latskan uzaytirilgan va kengaytirilgan.

а)

b)