Tijorat banklarining valyuta operatsiyalari

Toshkent shahrida 2012-yil 25 iyul kuni o‘tgan “Standart end Purs” reyting agentligining kredit reytingi hamda uning O‘zbekiston banklari tomonidan qo‘llanilishi” mavzuidagi konferensiyada ishtirok etgan “Standart end Purs” reyting agentligining “Moliyaviy institutlar” (London) guruhi ijrochi direktori JonGIBLING mamlakatimiz bank tizimining rivojlanishini yuksak baholar ekan, “O‘zbekiston Respublikasining eng yirik to‘rt bankining (Tashqi iqtisodiy faoliyat milliy banki, O‘zsanoatqurilishbank, Xalq banki, Ipotekabank) reyting bahosini yangi mezonlar joriy etilishi munosabati bilan bir pog‘ona yuqoriga ko‘tardik, – deb ta’kidladi. – Bu reyting baholari shundan dalolat beradiki, biz xalqaro reyting agentligi sifatida O‘zbekistonga katta qiziqish bilan qaraymiz, moliya institutlarining kuchli va zaif tomonlarini maksimal darajada ob’ektiv baholashga harakat qilamiz”.

“Mudis” xalqaro agentligining katta vitse-prezidenti Maykl KORVINning quyidagi fikrlari ham e’tiborga molikdir: “Biz ayni paytda, O‘zbekiston bank tizimi barqaror rivojlanishini prognoz qilayapmiz. Hukumat tomonidan yaratilgan iqtisodiy shart-sharoitlar, mamlakatning so‘nggi yillardagi makroiqtisodiy ko‘rsatkichlari banklarning barqaror rivojlanishiga xizmat qilmoqda”.