Tibbiyot kasbiga kirish

Balg'am tekshiruvi

Balg'am yo'talayotganda nafas olish yo'llaridan ajralib chiqadigan patologik sekret. Balg'amni tekshirish katta diagnostik ahamiyatga ega.

Balg'am tekshiruvining quyidagi asosiy usullari mavjud:

Umumiy balg'am tahlillari:

Balg'am miqdorini, rangini, hidini,konsistensiyasi, xarakterini aniqlash;

Balg'amni mikroskopik tekshiruvida balg’amda hujayra elementlarini, Sharko-Leyden kristallarini, elastik tolalarni, Kurshman spirallarini, neoplazmaning elementlarini (atipik hujayralar) va hokazolarni aniqlash; Sharko-Leydenning kristallari - eozinofillarning parchalanishi natijasida oqsil mahsulotlaridan hosil bo’ladi. Balg'amda ularni aniqlash bronxial astma uchun xosdir. Kurshmann spirallari shilliqdan iborat bo’lib ko’proq bronxial astmada ko'p uchraydi.

kimyoviy tahlil oqsillar va ularning miqdorini,bilirubinni aniqlash uchun o'tkaziladi.

2.Balg'amni bakteriologik tekshirish:

Balg'amdagi mikroflorani va uning antibiotiklarga sezuvchanligini aniqlash;

Balg’amda mikobakteriyalarni aniqlash uchun maxsus balg'am usulini tahlil qilish.

Balg'amni yig'ish uchun bemor ertalab soat 8 da nahorda tishlarni tozalab, og'zini qaynatilgan suv bilan yaxshilab yuvib tashlashi kerak. Keyin u bir necha chuqur nafas olishi yoki yo'talni kutishi kerak, keyin balg'amni (3-5 ml hajmida) unga beriladigan toza quruq shkalali bankaga solib, qopqog'ini yopib qo'yishi kerak. Bakteriologik tekshiruvni o`tkazish maqsadida balg'amni yig'ish uchun steril qopqoqli idish beriladi; Bunday holatda, bemorni idishlarning og'ziga qo’li yoki og’zi bilan tegmaslik haqida ogohlantirish kerak. Balg'am yig'ilgandan so'ng, bemor maxsus sanitar xonada idishni konteynerga qoldirishi kerak. Atipik hujayralar tahlili uchun balg'am yig'ilganda, hamshira darhol laboratoriyaga materialni yetkazib berishi kerak chunki o’sma hujayralari tez parchalanadi.