Tibbiyot instituti talabalari uchun

Jinsiy buzuqilik qilish. 
Bunday xolat fizik ta’sir xarakteriga ega bo’lib, bu 
tabiiy yoki buzuqilik shaklidagi jinsiy aloqa emas, balki jinsiy organlarga qo’li, 
jinsiy organi bilan tegish yoki jinsiy organini soniga ishqalash bilan xarakterlanadi.
Jabrllanuvchi 16 yoshga etmagan, har ikkala jinsdagi shaxs bo’lishi 
mumkin. Ularni so’roq qilishda juda extiyotkorlik zarur, chunki yosh bolalar 
ishonuvchan bo’ladi. Odatda, qiz bolalar sud tibbiyoti ekspertizasidan o’tkaziladi.
Jinsiy buzuqilik belgilariga tanasidagi, xususan jinsiy organlaridagi alohida 
jarohatlanishlar qiradi. Qontalashlar va shilinishlar qov sohasi, soni terisida hamda 
katta jinsiy lablarida topiladi. Kichik jinsiy lablarida esa qizarish, shishish, 
shilinish va qontalashlar kuzatiladi. Kichik jinsiy labining shilliq pardasi, qinga 
kirish qismida va siydik chiqaruv yo’lida yorilishlar, chiziqli shilinishlar, 
yirtilishlar ko’zga tashlanadi. Ba’zan qizlik pardasida yirtilish, uning qavatida qon 
quyilish ko’rinadi.
Ayollik jinsiy oragnlarida yallig’lanish o’zgarishlari tufayli ularning shilliq 
qavatida kuzatiladigan yiringli ajralmalarni baholashda ehtiyotkorlik zarur, chunki 
ular jinsiy a’zolarni ifloslanishi, gijja bo’lishi va onanizm oqibatida kuzatilishi 
mumkin. Jinsiy buzuqilikning muhim isboti tanosil kasalliklarni yuqtirilishi, 
shuningdek kiyimida sperma izlarining bo’lishidir.
Tanosil kasalliklarini yuqtirish.
Bu odamning sog’lig’iga qarshi jinoyat 
bo’lib, jinoiy javobgarlik hisoblanadi. Agar ayblanuvchi tanosil kasalliklari bilan 
kasallanganligini bila turib, boshqa qishiga yuqtirganda jinoiy javobgarlikka 
tortiladi.
393

---

Bunda sud tibbiyoti ekspertizasi venerolog, dermatolog, urolog, ginekolog 
vrachlari ishtirokida ko’zdan kechiriluvchini jinsi va tanosil kasallaklari bilan 
kasallanganligini hisobga olib komission ekspertiza o’tkaziladi.
Kasallikni yuqtirish manbai aniqlanilganda barcha shubhalanuvchilarni 
ko’zdan kechirish zarur. Agar tanosil kasalliklarni davrlari sheriklarda har xil 
bo’lsa, yuqtirish manbaini aniqlashda uncha qiyinchilik tug’ilmaydi. Biroq har 
ikkala sherikda ham kasallik bir hil davrda bo’lganda bu savolni echish ancha 
mushkul va ba’zan uni aniqlashni umuman imkoniyati bo’lmaydi.