Tibbiyot instituti talabalari uchun

IV-BOB O’ZBEKISTON RESPUBLIKASI SUD TIBBIYoTI 
EKSPERTIZASINING TAShKILIY ASOSLARI
Sud tibbiyoti ekspertizasi o’zining tashkil topgan kunidan boshlab sog’liqni 
saqlash organlarining ixtiyoriga kiradi. Shu yillar davomida qator tashkiliy 
o’zgarishlar sodir bo’lib, bu sud va tergov organlari xizmatini yaxshilashda etakchi 
o’rinlardan birini egallaydi. Hozirgi davrda mamlakatimizda sud tibbiyoti 
ekspertizasining ko’zga ko’ringan sistemasi tashkil qilingan.
Ekspertizaning barcha ishlari sud tibbiyoti eksperti muassasalarining 
o’rindosh mutaxassislari tomonidan bajarilmoqda.
Sud va tergov organlari so’roqlariga xizmat qiluvchi sud-tibbiyoti 
tashkilotlariga respublika, viloyatlar, shahar, tuman va tumanlararo sud tibbiyoti 
ekspertizasi byurolari kiradi. Bu byurolar sud tibbiyoti ekspertizasining barcha 
turlariga aloqador ishlarni bajaradi. Barcha byurolarda ishni tashkil qilish tartibi 
O’zbekiston Respublikasi sud tibbiyoti ekspertizasi o’tkazish to’g’risidagi 
instruktsiya va qoidalarda keltirilgan.
Sud tibbiyoti ekspertizasi byurosining quyidagicha bo’limlari mavjud:
–
murdalarni tekshiradigan bo’lim, o’zining patogistologik laboratoriyasi 
bilan birgalikda (tanatologiya bo’limi);
–
jabrlanuvchi, ayblanuvchi va boshqa shaxslarni tekshiruvchi ambulatoriya 
bo’limi;
–
sud tibbiyoti laboratoriya bo’limi: sud-biologik, sud-kimyoviy va tibbiy 
kriminalistika bo’limlar bilan xarakterlanadi.
Sud tibbiyoti ekspertizasining byurosi alohida tibbiyot tashkiloti hisoblanadi. 
O’zining ixtiyorida maxsus territoriyasi, qurilishlari, kerakli apparaturalari va 
inventarlari, transportlari, xo’jalik asbob-uskunalari va boshqalar bo’ladi.
Sud tibbiyoti ekspertizasining har bir ob’ekti byuroning ma’lum bo’limida 
bir yoki bir necha ekspertlar tomonidan tekshirilishi mumkin. Murakkab ekspertiza 
esa tergov va sud ishlari materiallari asosida ekspertlar komissiyalari ishtirokida 
amalga oshiriladi. Bu o’z navbatida byuro boshlig’ining tashabbusi bilan bajariladi 
35

---

va ekspertlar komissiyasi ishini boshqaradi.