Tibbiyot instituti talabalari uchun

15.13.2. Homila va chaqaloq murdasi tekshirishining o’ziga xos xususiyatlari
Chaqaloqlarni murdasini tekshirish kattalarnikidan farqlanadi. Bu maxsus 
savollarning echilishi, shuningdek chaqaloq tanasining ayrim o’ziga xos anatomik 
tuzilishiga egaligi bilan tushuntiriladi. Shuning uchun ham homila va chaqaloqni 
murdasini kesib ko’rish jarayonida ekspert maxsus texnik usullarni qo’llaydi.
Tashqi tekshirish
odatda murda o’ralgan va u bilan keltirilgan barcha 
predmetlar sinchiklab o’rganilishi va yozilishi bilan boshlanadi.
Murdani yumshoq santimetrli lenta orqali tana uzunligi, boshi, ko’kragi, 
qornini aylanasi, qovidan kindik halqasigacha bo’lgan masofa o’lchanadi. 
Shuningdek tsirkul yordamida boshi, elkalarining kengligi, son suyagining 
yuqorigi po’sti orasidagi masofa ham aniqlaniladi.
Teri qoplamasini ko’zdan kechirishda unda pishloqsimon massa, qon izi, 
mekoniya borligiga ahamiyat beriladi. Teri qoplamasining rangi (oqargan, 
ko’kargan, sarg’ayganligi), terida qon quyilish va toshmalar borligi o’rganiladi. 
Boshini shakli (tug’ma shish, deformatsiyalanishi, tug’ma nuqsonlar), sochini 
uzunligi va rivojlanish darajasi, burun va quloq suprasi tog’ayining qattiqligi, og’iz 
bo’shlig’ining holati ko’zdan kechiriladi.
Kindik tizimchasi va yo’ldoshi (agar uni murda bilan birga olib kelingan 
bo’lsa) to’lig’icha yoziladi.
Tashqi jinsiy a’zolarni ko’zdan kechirishda ularning to’g’ri rivojlanishi, 
o’g’il bolalarda tuxumini tuxum xaltasida bo’lishi, qiz bolalarda katta jinsiy 
lablarini kichigini yopishi aniqlaniladi. Tananing yuqori va pastki qismlari (oyoq-
qo’llarida), albatta, tirnog’ining uzunligiga qaraladi. Murdani tashqi ko’zdan 
517

---

kechirish son suyagining pastki epifizi, to’piq va tovon suyaklarida suyaklanish 
yadrosini o’rganish bilan yakunlanadi.